Këngëtarja shqiptare me famë botërore, Bebe Rexha, ka publikuar së fundmi albumin e saj të ri, njëherësh të katërtin në karrierën e saj.
“Expectations” titullohet albumi i saj më i ri, i cili ka gjithsej 14 këngë përbrenda e tij.
“I’m a mess” është kënga e fundit që këngëtarja Rexha solli për fansat e saj, këngë e cila është pritur mirë nga fansat e saj.
Përkrahje për albumin e saj më të ri përveç fansave, kanë dhënë edhe kolegët e saj.
Rita Ora është njëra ndër mikeshat më të mira të këngëtares, e cila në një fotografi të publikuar në InstaStory, ka dhënë mbështetje për albumin e koleges së saj.
Kujtojmë që të dy shqiptaret këtë vit sollën së bashku edhe një bashkëpunim me Cardi B dhe Charli XCX, të titulluar “Girls”.
Fakti që janë të dyja me prejardhje shqiptare, ka ndikuar që dy bukuroshet në fjalë të kenë relacione shumë të mira mes vete.
