Të gatuajmë me Zonjën Vjollca/Qofte të mbështjella me patëllxhanë dhe Ëmbëlsirë e ftohtë me pjeshkë

Receta e parë : Qofte të mbështjella me patëllxhan

Përbërësit :

4 – 5 patëllxhanë

500 gr mish të grirë

1 qepë ( në rende)

1 kokërr vezë

2 lugë gjelle peksimadhe

300 gr pure domate

2 domate

2 lugë gjelle majdanoz i thatë

Rigon + nenexhik

2 lugë kafe piper i kuq

Kripë e piper i zi

Përgatitja :

Lajmë , pastrojmë patëllxhanët dhe i presim ato në feta 0,5 cm. i vendosim në ujë me kripë për 20 minuta dhe pasi i thajmë, i kalojmë në zgarë.

Në një tas përgatisim brumin e qofteve me mish të grirë, qepë, vezë , peksimadhe , kripë, piper, piper të kuq, majdanoz, rigon e nenexhik. Punojmë brumin mirë dhe  formojmë qoftet mesatare. Pasi të kalojmë në një skuqje shumë të lehtë,mbështjellim  qoftet me fetat e patëllxhanit. Vendosim 2 feta patëllxhanë në formë kryqi në qendër të tyre . Aty ku bashkohen fetat e patëllxhanit, vendosim një qofte dhe mbështjellim qoften fillimisht në fetën që kemi vendosur në fillim, e më pas me fetën e patëllxhanit të dytë ,bështjellja bëhet si bohçe . për ti fiksuar lart vendosim një fetë domate rrumbullake dhe një copë spec të cilat i fiksojmë me një stikadent.

Në të njëjtën mënyrë mbështjellim të gjitha qoftet dhe i vendosim në një tavë.

Në një tigan salce grijmë hollë gjysmën e një qepe të vogël , 2 thelpinj hudhër, 300 gr pure domate , kripë e pak sheqer. E lëmë salcën të ziejë dhe e shtrojmë në tepsi . Vendosim  tavën në furrë në temperaturën 180 gradë për 20 minuta.

Receta e dytë : Ëmbëlsirë e ftohtë me pjeshkë

600 gr komposto pjeshke

250 gr mascarpone

150 gr pana ëmbëlsire

100 gr biskotë pa yndyrë

4 lugë gjelle sheqer

1 bustinë sheqer vanilje

2 lugë gjelle bajame

1 lugë kafe gjalp

Përgatitja : 

Fillimisht në një tigan shkrijmë gjalpinme 2 lugë gjelle sheqer , biskota të thërrmuara, bajame të thërrmuara dhe i kaurdisim deri sa ato të kaurdisen dhe të marrin ngjyrë të kuqerremtë.

Rrahim panën e ëmbëlsirës deri sa të ngurtësohet.

Bashkojmë në një tas mascarpone, 2 lugë gjelle , sheqer vanilje, salcë kosi dhe i përziejmë mirë sëbashku me rrahëse elektrike . Hedhim panën dhe përsëri i përziejmë mirë.

Pjeshkat i largojmë nga lëngu dhe i kthejmë në pure me ndihmën e një blender.

Ëmbëlsirën mund ta vendosim në tasa ose nëpër gota.

Vendosim kremin në një xhep pastiçerie. Fillimisht vendosim në gotë kremin dhe shtojmë në secilën gotë nga 1 lugë biskota të karamelizuara bashkë me purene e pjeshkës e kremin dhe i spërkasim me biskota.

Vendosim nga një fetë pjeshkë ose  një gjethe nenexhik. Vendosim gotat në frigorifer dhe i lëmë në fresk për 2 orë.

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!