Tiger Woods rikthehet me fitore në PGA pas pesë vitesh

E publikuar: 25/09/2018 09:12
Rreshtat+- AShkronjat+- Printo

Tiger Woods rikthehet të fitojë një turne madhor në golf në PGA pas pesë vitesh.

42-vjeçari triumfoi në ndalesën e PGA Tour të Atlantas dhe këtë e bëri sipas mënyrës së tij, duke dominuar mbi rivalët e tij nga xhiroja e parë tek e fundit duke dhënë një sinjal për Ryder Cup 2018 që nis këtë të premte.

Për Tiger Woods kjo është fitorja e tij e 80, nga të cilat 14 janë në turnetë madhorë.

Objektivat e radhës së tij janë arritja dhe thyerja e rekordit të Sam Sneads që është në kuotën e 82 fitoreve dhe sidomos thyerja e rekordit të Jack Nicklaus që ka fituar 18 tituj në turnetë madhorë PGA, transmeton TopChannel.

Woods nuk fitonte prej 1876 ditësh, domethënë që nga gushti i vitit 2013. Që nga momenti i rikthimit të tij në fushat e golfit pas dy ndërhyrjeve kirurgjikale në shpinë, Tiger Woods është përmirësuar ndjeshëm në paraqitjet e tij duke iu afruar fitores edhe në disa raste të tjera.

Kjo ka bërë që ai të fitojë ndjeshëm pozicione në klasifikim ku kishte zbritur deri në vendin e 625.

Me suksesin në Atlanta, Tiger Woods e sheh veten mes 20 vendeve të para në këtë renditje.