Këngëtarja Era Istrefi është një ndër artistet më të suksesshme shqiptare, që brenda pak vitesh u bë e njohur edhe ndërkombëtarisht.
Ajo gjithmonë ka ditur të tërheqë vëmendjen e publikut, madje që në fillimet e veta në tregun muzikor është pëlqyer shumë, duke bërë bujë me këngët e saj.
Së fundmi, këngëtarja është kthyer pas në vite, duke sjellë në mendje kohën kur sapo filloi të bëhej e famshme në Shqipëri, gati 3 vite më parë. Ajo ka publikuar një video të shkëputur nga kënga “Njo si ti”, që në 2015 u pëlqye shumë dhe sot numëron plot 33 milionë shikime në ‘Youtube’. “Po kërkoja në gjërat e mia të vjetra dhe gjeta këtë”, – ka shkruar Era.
Siç duket është ndier shumë e vogël në video dhe prandaj e cilëson si “bebe”. Në atë kohë, ajo ishte më e vogël në moshë, megjithatë Era ka qenë dhe mbetet një artiste me shumë stil.