Atalanta merr humbjen e dytë radhazi në kampionatin italian, teksa pasi humbi me Milanin në shtëpi, këtë herë u mposht me rezultatin 2-0 nga Torino, në transfertë.
Zikaltrit e drejtuar nga Gasperini zhvilluan një ndeshje të mirë, por ishin të pafat, pasi pësuan një gol të pafat nga Izzo në pjesën e parë dhe një tjetër i shënuar nga Iago Falque në pjesën e dytë.
Dyshja shqiptare Berisha-Gjimshiti ishin sërish titullarë dhe qëndruan në fushë për 90 minuta, ku ndonëse ishin të pafajshëm në golat e pësuar, nuk ndihmuan skuadrën të shmangë humbjen.
Me këtë rezultat, Atalanta mbetet në kuotën e 38 pikëve, duke u shkëputur nga zona Champions, ndërsa në të njëjtën kuotë pikësh shkon edhe Torino, që rikthehet fuqishëm për një vend në zonën europiane.