Ditën e sotme kanë rinisur kërkimet për gjetjen e 26 vjeçarit, i cili Mateo Lika dyshohet se ka rënë me makinë në ujërat e lumit Seman.
Prej disa ditësh nuk ka asnjë gjurmë nga ai, ndërsa dyshimet se mund të ketë rënë në lumë nisën pas dëmtimit të parmakët të urës së ura e Mbrostarit si dhe targës që u gjet aty pranë.
Forcat e kërkimit do të përdorin mjete si zinxhiri që zhytet në lumë dhe droni për të kontrolluar nga lart për të vijuar kërkimet ditën e sotme.
Polumbarët e forcave RENEA kërkuan edhe të dielën në ujërat e lumit, por nuk gjetën as automjetin, as shenja të mjaftueshme që provojnë se makina ka rënë në ujë.
Makina që i riu kishte marrë me qira nuk ka qenë e pajisur me GPS. Ndërkohë, nga kamerat e sigurisë të bizneseve në zonë nuk arrihet të identifikohet qartë lëvizja e tij.
Mateo Lika kishte ardhur nga Gjermania për të kaluar pushimet në Fier, ku kishte marrë edhe makinën me qira. Ai ka qenë i vetëm në makinë, ndërsa familjarët kanë humbur kontaktet me të. /albeu.com
