Titullin e fundit Tirana e ka fituar në sezonin 2008-2009, dhe në atë ekip kishte shumë emra të njohur dhe me peshë në futbollin shqiptar.

Disa ikona të klubit bardheblu, të cilët në këtë sezon, në prag të 100-vjetorit, janë mbledhur sërish si drejtues, trajnerë apo lojtarë tek Tirana, janë mbledhur mbrëmjen e sotme.

Është mbrojtësi Tefik Osmani, që ka publikuar një foto në “Instagram”, teksa gjendet nën shoqërinë e Rezart Dabullës, Devi Mukës, Bledar Devollit, si edhe Julian Ahmatajt. Përveç Ahmatajt, të katërt të tjerët kanë qenë pjesë e Tiranës kampione në vitin 2009, ndërsa elbasanasi bashkohej sezonin tjetër me bardheblutë.

Në foton e postuar, të pestë duket se po shijojnë disa gota alkool, si edhe teksa tymosin puro. Gati për një ndeshje kalçeto, Osmani shkruan edhe me shaka: “Skema 3-1-1. Portën po e lëmë bosh”.

PANORAMASPORT.AL

NDIQE LIVE "PANORAMA TV"

---