Nuk u hapën negociatat/ Qytetarët shqiptarë: Evropa e ka fajin! Tani do të rritet fluksi i emigrantëve

TIRANE - Çfarë mendojnë qytetarët për mos hapjen e negociatave me Bashkimin Europian? Report Tv pyeti disa prej tyre. Ata ndajnë përgjegjësinë mes forcave politike shqiptare dhe problemeve të brendshme të BE.

“Të gjithë bashkë janë fajtorë mendojë unë, kuptohet një pjesë është edhe e Evropës që ka ato problemet e veta të brendshme.

 Ata që nuk i hapën e kanë fajin. Kush nuk i hapi negociatat, qeveria apo Macroni? Nëse Macroni është kryeministri i këtij vendi atëherë është i qeverisë sonë faji.

Politika shqiptare është në radhë të parë fajtore, e nis me kryeministrin Edi Rama, Lulzim Basha dhe të gjithë udhëheqësit politik të Shqipërisë.

Tani sipas atyre që kemi dëgjuar, ata (Bashkimi Europian) kanë problemet e tyre, por edhe qeveria jonë, në radhë të parë ne.

Të dy janë fajtorë, edhe personat që janë këtu, por edhe fakti që ka probleme brenda BE-së që nuk ka një vendim të përbashkët. Domethënë që janë të dyja palët”-thanë disa prej qytetarëve

Qytetarët u shprehën se vendimi i BE për negociatat do të ketë një ndikim negativ, sipas tyre do të rritet numri i personave që do largohen nga Shqipëria.

“Ndikon jashtëzakonisht negativisht te jeta e përditshme e çdo qytetari shqiptarë.

Mendoj që do të rrisë fluksin e emigrantëve nga Shqipëria sepse shikojnë që shpresa vjen duke u venitur, pastaj problemet e tjera janë një cik afatgjata që mendoj që efekti do të jetë pak më afatgjatë.

Patjetër që do të ndikojë, patjetër”-shprehën mendimin e tyre disa qytetarë

Samiti i Zagrebit në maj 2020, do të jetë destinacioni i radhës ku do të diskutohet nga ana e Këshillit Europian për çështjen e integrimit të Shqipërisë e Maqedonisë së Veriut, ku pritet të unifikohet qëndrimi i krerëve të unionit për çështjen e zgjerimit.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev

Lufta në Ukrainë/ Putin: Do të godisnim avionët F-16 të përdorur nga Ukraina edhe në aeroportet e NATO-s! Scholz: As trupa, as raketa Taurus në Kiev