Kosova
Policia e konfirmon: Remzije Mustafa u gjet në Prishtinë
Mustafa mësohet se është gjetur në gjendje të mirë shëndetësore
Është gjetur Remzije Mustafa, zonja nga Prishtina e cila ishte shpallur e zhdukur dhe po kërkohej nga fëmijët e saj për më shumë se një javë.
Ata kanë bërë të ditur se Mustafa është gjetur në Kodrën e Diellit, në Prishtinë.
Mustafa mësohet se është gjetur në gjendje të mirë shëndetësore.
Lajmin e ka konfirmuar Bajram Krasniqi nga Policia e Kosovës. “Policia në ora 20:36, në një shtëpi të pabanuar në rrugën “Sali Nivica” në Prishtinë ka gjetur një grua që dyshohet të jetë Remzia Mustafa. Policia është në vendin e ngjarjes, aty është ftuar emergjenca dhe familjarët e së zhdukurës. Policia falënderon qytetarët për bashkëpunim”, ka konfirmuar Bajram Krasniqi.
Familjari i Mustafës tregon se ajo është gjetur afër banesës dhe është mirë me shëndet. “Është gjetur shëndoshë e mirë. Është parë duke ardhur në banesë, këtu afër Bregut të Diellit. Dikush e ka pa dhe e ka sjellë në banesë”, ka thënë familjari i Mustafës raporton Gazeta Ekspress.
Ky familjar thotë se ajo ka ardhur në gjendje të mirë, por akoma nuk e dinë se ku ka qëndruar.
“Sapo ka ardhur. Tash këtu është edhe policia. Nuk e kemi pyetur akoma se ku ka qëndruar sepse nuk duam ta traumatizojmë” percjell Albinfo.
Të ngjashme
Të tjera nga Kosova
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe