40-vjeçarja Meital Dohan i ka dhënë fund lidhjes me 79-vjeçarin, Al Pacino. Lajmi është konfirmuar nga vetë aktorja izraelite, e cila ka theksuar se është e vështirë jeta me një burrë kaq të madh në moshë.
“Diferenca e moshës është e vështirë. Unë përpiqesha ta mohoja, por tashmë ai është i moshuar, të them të drejtën. Kështu që, pavarësisht gjithë dashurisë sime, nuk zgjati”, tha Meital në një intervistë për revistën izraelite “La’Isha”.
Madje, ajo ka shtuar se 79-vjeçari ishte kurnac, pasi kurrë nuk i ka blerë një dhuratë të shtrenjtë. “Si mund ta them me mirësjellje që ai nuk donte të shpenzonte? Më blinte vetëm lule”, rrëfeu ajo.