Duka kundër Bashës: S' ka vullnet për të ndryshuar sistemin! E ka mbyllur paktin me PS-në! Murrizi: Kemi vota për ta bllokuar 'Zgjedhoren', por humbasim ne

Zv. ministri i Mbrojtjes, Petro Koçi është shprehur se PS-ja nuk është kundër ndryshimit të sistemit, por  sipas tij PD-ja ka këtë qëllim.

"Ne kemi presidentin që është një çun problematik. PS nuk ka vënë postobllok përsa i takon çështjes së reformës që prek dhe sistemin. Institucioni që merret me reformën nuk e ka mandat. Kjo është çështje kushtetuese. Rama pasi u zgjodh ky çuni problematik tha se do jetë një president që do pëlqehet nga PD. Këtë çështje mund ta motorizonte vetëm opozita. PD nuk ka interes të preki sistemin. Baza e gjithë kësaj iniciative për të ecur deri më 31 maj janë rekomandimet e OSBE- ODIHR-it", tha Koçi.

Kryetari i grupit parlamentar demokrat, Myslim Mrrizi i ftuar në "Repolitix" në Report Tv ka deklaruar se opozita e re i ka votat për të ndaluar votimin në parlament të Reformës Zgjedhore, por sipas tij kjo gjë do të nxirrte sërish fitimtar PD-PS.

"I kemi votat, po kam problem se këta këtë kanë qejf, që ne ta bllokojmë dhe të rri kështu siç është . Nuk duan të kalojnë asgjë këta. Në të gjitha mënyrat shqiptarët janë  të humbur. Po të bësh sot referendum 80% e shqiptarëve duan ndryshimin e sistemit. Si mund të mbajnë peng ndryshimin e sistemit, do iu duket lule 26 maji i 1996, trëndeline. Basha nuk ka sjellë asnjë copë letër që kërkon ndryshimin e sistemit", tha Murrizi.

Aleati i PD-së, kreu i Partisë Agrare Ambientaliste Agron Duka ka dalë hapur kundër liderit të opozitës, Lulzim Basha, duke thënë se nuk ka vullnet për të ndryshuar sistemin.

"Nuk do kishte gjë të keqe nëse do shtyhej afati pas 31 majit, po sipas mendimit tim, mund të mos jem në të njëjtën linjë me PD, reforma do ishte e plotë nëse do ishte me kirurgji, që të bëhej e plotë me sistemin. Duke qenë se i kanë shkelur syrin njëri tjetrin, që mbrojnë sistemin, PD thotë që është i hapur për ndërrim sistemi, por duan që fillimisht të rregullojnë Kodin Zgjedhor. Duket sikur po arnojmë, por që të bëhet realisht ashtu siç duhet për shqiptarët, do ishte shumë mirë që të dëgjoheshin zërat e qytetarëve që të kalonte në sistemin ku qytetarët të zgjidhnin atë që donin.

Basha ka thënë shpesh herë, ndoshta dhe nga presioni i aleatëve, ka thënë se është i hapur për çdo lloj sistemi, por duket që nuk ka asnjë vullnet nga dy partitë e mëdha, dhe nga LSI, por s'më ndalon njeri që të them mendimin tim, kjo mund të jetë një kosto për mua. Nuk jemi në të njëjtën linjë me Bashën. Asnjëherë Basha nuk na ka kundërshtuar në mënyrë kategorike, por duket se ka një dakordësi mes tyre, do i rregullojnë disa gjëra që këtyre u duket se ndikojnë në zgjedhje, por thonë se me sistemin s'do merremi se s'kemi kohë, Kjo më duket gjëja më e flliqtë për shqiptarët. Kanë kaluar 2 mandate, dhe prapë s'kanë gjetur. Nuk e ndryshojnë se duan të ruajnë monopolin e kandidatëve, E kanë mbyllur këtë punë pavarësisht propozimit të ambasadës Amerikane, u mbyllen dyert të rinjve në politikë", u shpreh Duka.