Zyrtare: Ky televizion e transmeton ndeshjen Drita - Inter D'Escaldes
Drita të shtunën me fillim nga ora 18:00 e luan ndeshjen e parë parakaulifikuese ndaj kampionit të Andorës, Inter Escaldes, raporton Zeri.info.
Këtë ndeshje do ta transmetojë Radio Televizioni i Kosovës (RTK).
Sfida në fjalë zhvillohet në Nyon të Zvicrës.
Fituesi i ndeshjes do të kualifikohet në finale të këtij turneu preliminar, ku do të ndeshet me njërin nga ekipet Tre Fiori ose Linfieldi.
Kampionia e Kosovës në futboll, Drita, të premten udhëtoi drejt Zvicrës, për të marrë pjesë në parakualifikimet e Ligës së Kampionëve.
Bardhekaltrit nga Gjilani para se të niseshin drejt Zvicrës iu janë nënshtruar testeve për Covid-19 në Institutin Kombëtar të Shëndetit Publik.
Kjo procedurë nuk ishte e lehtë për t’u kaluar nga gjilanasit pasi 17 futbollistë kanë qenë të detyruar t’iu nënshtrohen dy herë testeve shkaku i një komplikimi në këtë proces.
Për Dritën i lehtë nuk ishte as procesi i pajisjes me viza pasi që njërit prej lojtarëve i është refuzuar kërkesa për vizë.
Olti Mehmetit i është refuzuar kërkesa për viza pasi muaj më parë i është refuzuar pikërisht për në Zvicër dhe është dashur që të pres gjashtë muaj.
Ekspedita e Dritës është nisur drejt Zvicrës nga aeroporti “Adem Jashari” duke i respektuar masat për mbrojtje nga koronavirusi.
Kjo është hera e dytë që Drita e shijon garën për Ligën e Kampionëve. /Zeri.info