Krejt çka ndodhi në protestën e qumështarëve para qeverisë së Kosovës
Autori: Gazeta inFokus 16:47 | 29 September 2020
Me pankarta “Kryeministër hiqe nga tregu qumështin pluhur”, “Kryeministër ndalo importin, shpëto fermat”, “Ne po kërkojmë vetëm të punojmë”, “Vaji i Palmës po mbyt fermat”, qumështarët ia mësynë qeverisë së Kosovës.
Pasi u detyruan të derdhin qumështin sepse nuk po ua merrte askush në treg ata në shenjë pakënaqësie kanë protestuar të martën para qeverisë së Kosovës.
Ramadan Mazreku, Kryetar i Këshillit Koordinues ka thënë se kërkesat e qumështarëve nuk janë plotësuar asnjëherë.
“Ne kemi bërë edhe thirrje publike mirëpo asnjëherë nuk kemi arritur ta takojmë. Ne do të vazhdojmë me protesta dhe do të ketë bllokim të rrugëve dhe fermerët sot të dalin me pajisjet e tyre”.
Fermerët nuk pranonin të lëshonin sheshin pa biseduar me kryeministrin e Kosovës, Avdullah Hotin.
Vilajet Mustafa ka thënë ata nuk po kërkojnë para vetëm duan të punojnë, dhe kërkojnë nga qeveria që të iu mundësohet të shesin qumështin në treg.
“Na s’po kemi punë, na s’po lypim pare veq po dojmë me na mundësu me punu edhe me shit qumështin në treg. Kaq po lypim na sen ma shumë. S’po dojmë pare”, ka thënë ky fermer.
Ndërsa një fermer tjetër u ankua se qumështi po vjen nga Serbia e më të po ngopet tregu dhe qumështarët kosovarë nuk po kanë ku ta shesin atë.
Fermeri në fjalë ka thënë se po detyrohet ta derdh qumështin në kanale.
“Unë qumështin po detyrohem me derdh në kanale e këta në treg po sjellin qumësht nga Serbia, nga armiku që na ka vra e na ka pre e na qumashtarët kosovarë duhet me derdh qumështin se s’kemi ku me shit. Kjo është tmerr”, ka thënë ky fermer.
Edhe pse për një kohë të gjatë priten në shesh që të takohen me Kryeministrin Hoti kjo nuk ndodhi pasi ai tashmë kishte një agjendë dhe nuk ndodhej në objektin e qeverisë.
Të vendosur për ta pritur deri sa Hoti të kthehej dhe të bisedonte me ta qumështarët nga sheshi i largoj vetëm shiu.
E këta të fundit kanë thënë një zëri se ky është vetëm fillimi dhe se protesta do të ketë derisa për ta të ofrohet një zgjidhje./Gazeta inFokus/
Të tjera
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...
-
Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare
Dhjetra besimtarë vdiqën pasi një autobus që shkonte për në një konferencë të...
-
Lumir Abdixhku kandidat i LDK-së për kryeministër
Lumir Abdixhku kandidat i LDK-së për kryeministër Kryetarja e Forumit të G...
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...