Vdes futbollisti 17-vjeçar i Manchester Cityt, reagojnë Sterling e Laporte
Klubi anglez, Manchester City ka marrë një lajm të hidhur ditën e djeshme (e diele), raporton “Zeri.info”.
Futbollisti i të rinjve të Manchester Cityt, Jeremy Wisten ka vdekur në moshën 17-vjeçare.
Të shokuar nga kjo, klubi nga Manchester ka reaguar në rrjetin social “Twitter”, derisa edhe futbollistët si Sterling dhe Laporte kanë reaguar.
“Familja e Manchester City është trishtuar kur mësoi për vdekjen e ish-lojtarit të Akademisë, Jeremy Wisten. Ne u dërgojmë ngushëllimet më të thella miqve dhe familjes së tij. Mendimet tona janë me ju në këtë kohë të vështirë”, thuhet në njoftimin e klubit të Cityt.
Lajmin e hidhur e ka shpërndarë edhe lojtari anglez, Sterling, derisa edhe mbrojtësi Laporte është përgjigjur.
“Lajm i tmerrshëm.. Pusho në paqe”, ka shkruar Laporte.
The Manchester City family are saddened to learn of the passing of former Academy player Jeremy Wisten. We send our deepest condolences to his friends and family. Our thoughts are with you at this difficult time.
— Manchester City (@ManCity) October 25, 2020
Shkaku i vdekjes është i panjohur në këtë fazë dhe familja e Wisten ende nuk ka lëshuar një deklaratë.
/Zeri.info