Policia e RMV-së publikoi video dhe detaje nga aksioni ku u kapën 100 kg hashash (VIDEO)

Rreth 100 kilogramë hashash dje policia ka gjetur në Ohër, në një furgon me targa të Shkupit, të drejtuar nga një shtetas i Turqisë, njofton Portalb.mk.

Shoferi është arrestuar, a kundër tij do të dorëzohet padi penale deri te Prokuroria Themelore e Ohrit, me qëllim që t’i shqiptohet masë paraburgimi.

Nga MPB kumtuan se në ora 12:20, në afërsi të varrezave të qytetit në Ohër, zyrtarët policor e kanë kontrolluar furgonin, në hapësirën e pasme të bagazhit, në të cilën kanë qenë të ngarkuara 114 pako me hashash.

“Pas ndërmarrjes së aktiviteteve është konstatuar se Ç.B. përpara dy javëve me avion ka arritur nga Stambolli në Prishtinë, pastaj në Maqedoninë e Veriut dhe në Shkup ka realizuar takim me disa persona që të kryhet transporti i drogës nga vendi ynë në Republikën e Turqisë”, thuhet në kumtesën e Policisë.

Përveç kësaj, gjatë ditës së djeshme, ashtu siç informuan nga MPB, janë kryer bastisje në zonën e Shkupit, ku janë privuar nga liria edhe dy persona dhe janë marrë për procedurën e mëtutjeshme, a në konsultim me prokurorin publik, padia penale do të zgjerohet.

Lajme të ngjashme

Leave a Reply

Your email address will not be published. Required fields are marked *

Back to top button