SOT

Kosovarët mes IPhonit dhe Samsungut

Smartfonët apo telefonat e mençur janë pjesë e përditshmërisë së secilit gjatë ditëve të sotme.

1994 ishte viti kur nevoja për të pasur më shumë sesa vetëm një telefon që kryen thirrje u bë realitet nga gjiganti IBM.

27 vjet pasi tregu botëror është i mbushur me kompanitë që primare e kanë lansimin e telefonave të tillë në treg.

Sikurse në vendet e tjera, telefonat e mençur janë pjesë edhe e shoqërisë kosovare.

Variante të ndryshme zgjidhen nga qytetarët para se të zgjedhin telefonin. Këtu ndikojnë edhe çmimet.

Por, ka prej qytetarëve që thonë se nuk i ndjekin trendët për të zgjedhur mes dy kompanive më të kërkuara, “Samsung” dhe “iPhone”.

Një pjesë tjetër preferon edhe më tutje telefonin e thjeshtë e pa shumë komplikime.

Kërkesë e parë e konsumatorëve kosovarë është iPhoni, thotë Besim Raçi, pronar i një mobishopi.

Pavarësisht kërkesave, është kompania ‘’Samsung’’ ajo që ka dominuar tregun, thotë

njohësi i teknologjisë, Kushtrim Krasniqi.

Krasniqi shpjegon dallimin mes secilës kompani.

Ndërsa flet edhe për specifikat që dallojnë telefonat, duke i bërë disa më të lehtë për t’u përdorur e disa të tjerë pak më të komplikuar për një masë të madhe.

Jetëgjatësia e baterisë dhe një kamerë e mirë për fotografi janë dy prej kritereve që ndikojnë në përzgjedhje të telefonit nga shumica e kosovarëve.