Temperaturat zbresin, cilat janë ditët më të ftohta të javës

Kosova

Temperaturat zbresin, cilat janë ditët më të ftohta të javës

Më: 25 janar 2021 Në ora: 19:06
Foto Ilustrim

Java e fundit e janarit nga ekstremi në ekstrem.  Fillimisht më ftohtë dhe me reshje bore.  Në fundjavë sërish më butë e priten edhe reshje shiu.

Nga e mërkura dhe e enjtja do të mbajë mot i ftohtë, me vranësira të ndryshueshme, e herë-herë priten mundësi edhe për rrebeshe të dobëta bore.

Nga fundjava sërish depërtime të cikloneve mbi rajon që mundësojnë të reshura shiu, e rrymimet e ngrohta ajrore nga Mesdheu sërish kushtëzojnë mot të butë dhe rritje të temperaturave lart mbi vlera mesatare.

Moti dinamik që parashihet në ditët e ardhshme, mundëson një qarkullim të mirë ajror, e që mbanë ndotësit ajror më të shpërndarë, ndërsa cilësia e ajrit do të mbetet me indeks në vlera të mjaftueshme dhe të mira.  E nga dita e mërkurë, pasi që erërat mund të pushojnë indeksi do të kaloj edhe në vlera të dobëta.

25.01 – Reshjet e shiut vazhdojnë deri në mëngjes, vende-vende të përziera edhe me borë.  Ditën vranësira të ndryshueshme dhe intervale me diell.  Herë herë do të fryj erë mesatarisht e fuqishme dhe fuqishme nga jugperëndimi.  Në mbrëmje reshje shiu, që më vonë shndërrohen në borë.

26.01 – Më ftohtë, kryesisht me vranësira dhe erë.  Kohëpaskohe me reshje të dobëta bore.

27.01 – Ftohtë, kryesisht me vranësira dhe intervale me diell.  Mundësi për rrebeshe të dobëta bore.

28.01 – Ftohtë me vranësira dhe intervale me diell gjatë ditës.  Në mëngjes aty këtu me mundësi për reshje të dobëta bore.

29.01 – Kryesisht me vranësira dhe intervale me diell gjatë ditës.  Në mbrëmje vonë priten edhe të reshura shiu.

Temperaturat e ajrit në rënie.  Minimalet zbresin nga 2C deri në -6C, e maksimalet zbresin pranë 0C, e deri të premten në rritje deri në 7C.

Shtypja atmosferike pas një rënie të thellë sonte gjatë natës, në ditët e ardhshme me tendencë të rritjes mbi vlera normale.

commentFirst article
Sot mund të lexoni Shfletoni kopertinat