Franca po u ofron pronarëve të makinave të vjetra mundësinë t’i dorëzojnë automjetet e tyre të vjetra dhe në këmbim të marrin një grant prej 2,500 eurosh, për të blerë një biçikletë elektrike.
Ligjvënësit në Asamblenë Kombëtare e kanë miratuar këtë masë në një votim paraprak.
Ky ishte nje ndryshim në një projektligj për klimën që do të miratohet në parlament dhe që synon të ulë emetimet e gazrave serrë me 40% deri në vitin 2030.
Nëse miratohet, Franca do të bëhet vend i parë në botë që do t’u ofrojë njerëzve mundësinë për të shkëmbyer një automjet të vjetër me një biçikletë elektrike ose të palosshme, tha Federata Franceze e Përdoruesve të Biçikletave, (FUB).
“Për herë të parë pranohet se zgjidhja nuk është që makinat të bëhen më të gjelbra, por thjesht të reduktohet numri i tyre”, tha Oliver Schneider i FUB.
© SYRI.net