IHME: Numri i vdekjeve në botë nga COVID-19 është dy herë më i lartë se vlerësimet zyrtare

Numri i vdekjeve në të gjithë botën nga sëmundja e coronavirusit është më shumë se dyfishi i 3.24 milionë,  që janë raportuar zyrtarisht, sipas një studimi të ri, i cili ka shkaktuar mjaft polemika.

Më shumë se 905,000 njerëz kanë vdekur nga COVID-19 në SHBA, 57 për qind më shumë se numri zyrtar, kanë pretenduar shkencëtarët në Institutin e Universitetit të Uashingtonit për Llogaritjet dhe Vlerësimet e Shëndetit (IHME). Kjo është më shumë se çdo vend tjetër.

Shifra zyrtare e SHBA-së është rreth 580,000, sipas statistikave të Universitetit Johns Hopkins.

Në botë, sipas shkencëtarëve amerikanë, janë gjithsej rreth 7 milionë vdekje, që është më shumë se dyfishi i 3,24 milionë vdekjeve zyrtare të regjistruara nga Universiteti Johns Hopkins, transmeton Telegrafi.

Ata studiuan devijimet në vdekshmëri nga marsi 2020 deri në maj 2021.

Shkencëtarët studiuan devijimin në vdekshmëri midis marsit 2020 dhe 3 majit 2021, duke krahasuar atë që normalisht do të ndodhte në një vit pa një pandemi, dhe më pas konsideruan faktorët e lidhur me pandeminë.

“Sado e tmerrshme të duket pandemia e sëmundjes coronavirus, kjo analizë tregon se numri aktual është dukshëm më i keq”, tha drejtori i Institutit, Dr. Chris Murray, në një deklaratë që pasoi njoftimin e rezultateve.

“Kuptimi i numrit aktual të vdekjeve nga COVID-19 jo vetëm që na ndihmon të shohim madhësinë e kësaj krize globale, por gjithashtu siguron informacion të vlefshëm për politikëbërësit në zhvillimin e planeve të reagimit dhe rimëkëmbjes”.

Mangësitë nuk janë të qëllimshme, por për shkak të sistemeve shëndetësore të prekura rëndë

Ai theksoi në një konferencë shtypi të enjten se lëshimet në regjistrimin e numrit aktual nuk ishin bërë domosdoshmërisht me qëllim.

“Kryesisht ajo thjesht u zhduk pa dashje sepse sistemet shëndetësore u goditën rëndë”, tha Murray, sipas The Seattle Times.

“Shumë supozime dhe spekulime”

Ndërsa disa e përshëndetën studimin si një tregues më të saktë të shkallës aktuale të pandemisë, të tjerët e panë atë si një ekzagjerim të mundshëm.

“Unë mendoj se mesazhi i përgjithshëm i kësaj (se vdekjet nënvlerësohen dukshëm, dhe në disa vende më shumë se diku tjetër) është ndoshta i zhurmshëm, por numrat absolutë janë më të ulët për shumë arsye”, tha epidemiologu i Harvardit William Hanage për NPR.

“Vlerësimi i tyre për më shumë vdekje është i madh dhe bie në kundërshtim me hulumtimin tonë dhe hulumtimin e të tjerëve”, tha Dr. Steven Woolf, i cili drejtoi kërkimin e mëparshëm, për NPR.

Murray beson se ky studim të paktën tregon një ndikim të qëndrueshëm dhe me shumë gjasa të nënvlerësuar të kësaj plage.

Fotot më poshtë tregojnë shtetet, numrin total të të vdekurve sipas këtij studimi, dhe numrin total të të vdekurve sipas shifrave zyrtare të raportuara deri më tash. /Telegrafi/