Aktori amerikan James Michael Tyler, i njohur për rolin si “Gunther” në serialin “Friends”, ka ndërruar jetë në moshën 59-vjeçare.
“Tyler ndërroi jetë paqësisht në shtëpinë e tij në Los Anxhelos të dielën në mëngjes. Nëse e keni takuar një herë, e keni bërë një shok për gjithë jetën. Ai ka lënë pas gruan e tij, Jennifer Carno, dashurinë e jetës”,- thuhet në një deklaratë nga menaxherja e tij, sipas “Page Six”.
Tyler u diagnostikua me kancer të avancuar të prostatës në vitin 2018, i cili më vonë u përhap në kockat e tij.
“Duke dashur të ndihmojë sa më shumë njerëz të jetë e mundur, ai tregoi me guxim historinë e tij dhe bëri një fushatë ndërgjegjësuese për njerëzit me prostatë“,- tha menaxherja i tij.
James njihet si Gunther, kamerieri dhe menaxheri në kafenenë e serialit, “Central Perk”.
Ai ishte i dashuruar me personazhin e Jennifer Aniston, “Rachel”, gjatë gjithë serialit, e cila gjithashtu punoi atje si kamariere në sezonet e hershme të shfaqjes.
NDIQE LIVE "PANORAMA TV" © Panorama.al