Krimi në familje ka tronditur Vlorën! Sipas policisë dyshohet se nipi ka vrarë me armë gjahu xhaxhin e tij, më pas vrau edhe veten.
Ngjarja e rëndë ka ndodhur në fshatin Mekat, ndërsa policia sqaron se vrasje ka ndodhur në banesën e viktimës.
Mesohet se Genci Koreta, 39 vjeç, pas një konflikti për motive të dobëta ka vrarë me armë gjahu xhaxhain e tij, Jorgji Koreta, 64 vjeç dhe më pas veten.
Panorama.al mëson se viktima ka qenë një ish-oficer policie. Nderkohe në vendngjarje është gjetur dhe sekuestruar në cilësinë e provës materiale arma e gjahut.
NJOFTIMI I POLICISE
Në fshatin Mekat, Vlorë, dyshohet se shtetasi G. K, ka vrarë me armë gjahu në banesë xhaxhain e tij, shtetasin J. K, dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Vlorë vijon punën për sqarimin e plotë të rrethanave të ngjarjes.
NDIQE LIVE "PANORAMA TV" © Panorama.al