Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Rama përmes zërit të artistëve përcjell mesazhin për Durrësin: Mbani pastër qytetin, kujdesuni për shëndetin

Nga A2 CNN
29 Janar 2022, 09:03 | Aktualitet
Rama përmes zërit të artistëve përcjell mesazhin

Përmes një videoje sensibilizuese, kryeministri Edi Rama ka përcjellë mëngjesin e sotëm mesazhin për mbajtjen pastër të qytetit të Durrësit. Përmes zërit të artistëve durrsakë, të të rinjve e të rejave, si edhe kryebashkiakes aktuale të Durrësit Emirjana Sako, kërkohet sensibilizimi i qytetarëve për të mbajtur të pastër qytetin bregdetar, i cili është edhe një prej vendeve turistike më të frekuentuara në Shqipëri. Aktorë e ambientalistë janë angazhuar për ndërgjegjësimin qytetar duke bërë thirrje për pastrimin e Durrësit, 

“Mirëmëngjes dhe me urimin që kushdo që mendon si këta bashkëqytetar të famshëm e të dashur për shumëkënd, do të kujdeset më shumë për ta mbajtur pastër shtëpinë tonë, Shqipërinë, ju uroj një fundjavë të qetë” shkruan Rama në Facebook.

Ky mesazh i kreut të qeverisë vjen pas nismës për pastrimin e territorit. Më herët gjatë takimit me kryetarët e bashkive dhe prefektët e qyteteve bregdetare për pastrimin e territorit, Rama tha se objektivi numër një dhe i padiskutueshëm i çdo bashkie duhet të jetë fondi për pastrimin, në të kundërt buxheti nuk do të miratohet.

A2 CNN Livestream

Ditari nga Bruna Çifligu