EKSKLUZIVE/ Ish-futbollisti i Skënderbeut në “vitrinë”, Partizani hyn në betejë për mbrojtësin 31-vjeçar

Panorama Sport | Lajmet e fundit nga sporti

Postuar: Maj 19, 2022 | 22:51

EKSKLUZIVE/ Ish-futbollisti i Skënderbeut në “vitrinë”, Partizani hyn në betejë për mbrojtësin 31-vjeçar

Bajram Jashanica përfundon kontratën aktuale me Ballkanin në fund të muajit të ardhshëm dhe në këto kushte, ish-mbrojtësi i Skënderbeut është në dyshime për të ardhmen e tij.

JASHANICA

Siç edhe drejtori sportiv i kampionëve të Kosovës, Nderim Nexhipi, tha për gazetën, Ballkani do të provojë rinovimin me 31-vjeçarin. Por nuk do të jetë aspak e lehtë.

“Panorama Sport” mëson se për mbrojtësin ka interes edhe nga Partizani, që e ka tentuar prej kohësh lojtarin nga Prishtina.

Gjithsesi, edhe Tirana e Kukësi po provojnë firmën me mbrojtësin, i cili edhe pse iu desh të pushonte pas atij pezullimi të famshëm, është kthyer në nivele të larta.

Ai ishte një nga shtyllat e ekipit nga Suhareka në këtë sezon, teksa tashmë mbetet të shihet nëse do të dojë të rikthehet të luajë në Kategorinë Superiore, ku arriti kulmin e karrierës apo oferta e Ballkanit do ta bindë të vazhdojë në Superligën e Kosovës.

Jashanicës i duhet të vendosë shpejt për të ardhmen, pasi tri nga katër klubet e interesuara janë drejt kualifikimit në kompeticionet europiane.

PANORAMASPORT.AL

NDIQE LIVE "PANORAMA TV"