Një operacion i gjerë policor i urdhëruar nga SPAK ka nisur gjatë natës dhe është në zhvillim e sipër në të gjithë Shqipërinë. 32 urdhër-arreste janë lëshuar dhe ato po ekzekutohen nga Forca të Ndërhyrjes së Shpejtë, RENEA dhe struktura të tjera.

Dy nga arrestimet janë bërë në zonën e 5 Majit në Tiranë.

Gazetari i SYRI TV në Fier, Xhemil Beharaj, njoftoi gjithashtu se edhe në këtë qark po kryhen arrestime dhe sipas burimeve, kanë ardhur pas dëshmisë së të penduarit të drejtësisë Nuredin Dumani.

Po ashtu, edhe në Elbasan kanë zbarkuar forcat RENEA. Pamje nga Elbasani sot, sjellë nga gazetari Migen Sejdini.