×
  • Lajme
  • Botë

    FBI mori 11 sete dokumentesh nga shtëpia e Trump

    Reporteri
    12 Gusht 2022 | 21:24
    Donald Trump, ish-president i ShBA-ve

    FBI mori 11 grupe dokumentesh të klasifikuara nga rezidenca e Donald Trump në Mar-a-Lago në fillim të kësaj jave, raportojnë mediat amerikane.

    Të enjten, Departamenti i Drejtësisë i kërkoi një gjykate të zhbllokonte urdhrin e kontrollit të shtëpisë së Trump, një veprim i konsideruar i rrallë mes një hetimi në vazhdim.

    Trump ka mohuar çdo keqbërje dhe tha se sendet ishin të paklasifikuara dhe të sigurta.

    Duke cituar dokumente, Wall Street Journal raporton se sendet e marra nga FBI nga Mar-a-Lago përfshijnë 20 kuti, lidhëse fotografish dhe një letër faljeje të shkruar në emër të strategut politik Roger Stone, një aleat prej kohësh i Trump.

    Gjithashtu u gjetën informacione për “Presidentin e Francës”, thotë gazeta, megjithëse është e paqartë se për çfarë bëhet fjalë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!