Skuadra e Edon Zhegrovës do të kthehet në Lille me një barazim, të cilin e arriti kundër Nantes. Simon (28) shënoi për Nantes kurse barazoi Ismaily (76) për Lille.
Lille nuk ka arritur që ta fitojë ndeshjen e dytë në Ligue 1, duke u kthyer në shtëpi me një pikë nga udhëtimi i tyre në Nantes.
Në pjesën e parë gol shënoi Simon në minutën e 28-të për t’i dhënë epërsinë e parë Nantes në këtë takim.
Në pjesën e dytë Lille luajti më mirë për ta barazuar rezultatin me një gol spektakular të shënuar nga Ismaily në minutën e 76-të.
Edon Zhegrova nuk ka udhëtuar fare me skuadrën, për shkak të një lëndimi të vogël.
Lille javën tjetër takohet me kampionin e sezonit të kaluar në Ligue 1, Paris Saint-Germain.
