Maqedonia
Destani: Ndërtimi i Fabrikës së makinave elektrike përfundon në 2024-ën
Destani ka thënë se është i gëzuar për investimin, sepse Tetovës, Maqedonisë së Veriut dhe të rinjve, po u jepet një mundësi e madhe punësimi e zhvillimi.
Maqedoninë e Veriut dje u vendos gurthemeli për hapjen e fabrikës për prodhimin e makinave elektrike.
Bzinesmeni i njohur, Lazim Destani, që është investitor në këtë rast, ka njoftuar se shkroi në vitin 2024 do të përfundojë ndërtimi i fabrikës për prodhimin e makinave elektrike, për të cilën të shtunën u vendos gurthemeli në Tetovë të Maqedonisë së Veriut, raporton Albinfo.ch.
Ai ka shkruar në Facebook se është i gëzuar për investimin, sepse Tetovës, Maqedonisë së Veriut dhe të rinjve, po u jepet një mundësi e madhe punësimi e zhvillimi.
“Dje vendosëm gurin e themelit të fabrikës tonë më të re, një prej investimeve më të rëndësishme të grupit të bizneseve të familjes tonë, që do t’i sjellë vendit dhe rajonit, prodhimin e makinave elektrike E.Go Mobile, markë dhe prodhim gjerman, që po zgjerohet edhe në rajonin tonë. Ndërtimi i fabrikës Next e.Go Mobile në Tetovë pritet të përfundojë në fillim të vitit 2024, kur dhe do të fillojë prodhimi i makinës së plotë elektrike”, ka shkruar Destani.
Tutje ai ka theksuar se me këtë invesim rajoni po futet në hartën e prodhimit të automjeteve elektrike.
“Siç e theksova edhe në fjalën time gjatë ceremonisë së vendosjës së gurit të themelit, para 50 vitesh, unë mora rrugën e mërgimit drejt Gjermanisë për më shumë mundësi pune, e sot ndihem shumë i lumtur që po sjellim mundësitë e Gjermanisë këtu. Me këtë rast, po e përsëris thirrjen time për të gjithë afaristët, sidomos investitorët nga diaspora, që obligimin e tyre ndaj atdheut, ta realizojnë me investime në vendin dhe rajonin tonë”, ka shkruar ai./Albinfo.ch/
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga