Nissan ka gati makinën e re të garave dhe ne dimë vetëm t'ju themi që është një 'bishë' e vërtetë!

Pas një video të papritur të publikuar pak ditë më parë, Nissan Motor Co. Ltd. dhe Nissan Motorsports & Customizing Co. Ltd. (NMC) kanë zbuluar makinën e tyre më të fundit të garave, Nissan Z GT4.

Modeli bazohet në modelin e prodhimit Z dhe është rafinuar për të qenë gati për pistën, ku departamenti i Nismo Racing përgatiti motorin, optimizoi shasinë dhe pezullimin dhe përmirësoi aerodinamikën sipas rregullave të përcaktuara. Nissan thotë se makina e garave Z GT4 është “e përballueshme për entuziastët dhe profesionistët më të mirë”.

Nissan Z standard fuqizohet nga një VR30DDTT 3.0-litërsh dy-turbo V6 që zhvillon 400 kuaj/fuqi dhe 475 Nm çift rrotullues. Nissan Z GT4 u zhvillua në objektet e Nismo gjersa u testua edhe në pistë. Specifikimet e detajuara do të shpallen në shfaqjen SEMA në SHBA në nëntor të këtij viti, dhe dërgesat priten në gjysmën e parë të 2023.

Nissan Z Nismo i fuqishëm është ende në pritje, dhe deri atëherë fansat mund të blejnë aksesorë Nismo për modelin Z.