VIDEO/ Shkeli flamurin meksikan, Canelo kërcënon Messin: Uroj të mos e gjej përballë

Canelo Alvarez është zemëruar me Lionel Messin. Boksieri meksikan shikoi pamjet e festimeve të Argjentinës në dhomën e zhveshjes pas fitores 2-0 të vendit të tyre dhe në një moment Leo shihet duke shkelmuar një bluzë të rënë dhe një flamur meksikan.

Madje në rrjetet sociale ylli i Parisit u akuzua se fshiu dyshemenë me simbolet e Meksikës, diçka që e miratoi edhe Canelo që kërcënoi drejtpërdrejt Messin.

“Pashë Messin duke pastruar dyshemenë me fanellën dhe flamurin tonë. Shpresoj të mos e gjej para meje! Siç e respektoj unë Argjentinën, ashtu edhe ai duhet të respektojë Meksikën. Nuk po flas për vendin në tërësi, por vetëm për gjërat që bëri Messi”, ka shkruar në Twitter 32-vjeçari kampion bote që ka 58 fitore (39 me nokaut) dhe vetëm 2 humbje në karrierë.

Disa ndjekës të Canelos nxituan në mbrojtje të Messit, duke theksuar se ai nuk është ai lloj personazhi dhe mesa duket lëvizja fatkeqe e shfaqur në video ishte e rastësishme dhe jo e qëllimshme.

https://twitter.com/ESPNRingside/status/1597038454050807808?ref_src=twsrc%5Etfw%7Ctwcamp%5Etweetembed%7Ctwterm%5E1597038454050807808%7Ctwgr%5E3723901a718ebc8e12cef999896c0ec0d2f9d181%7Ctwcon%5Es1_&ref_url=https%3A%2F%2Fabcnews.al%2Fvideo-shkeli-flamurin-meksikan-canelo-kercenon-messin-uroj-te-mos-e-gjej-perballe%2F