Sot fillojnë ndeshjet parakualifikuese për në “Euro 2024”, spikat derbi Itali – Angli

Sot nis rrugëtimi i kombëtareve në garën për një vend në Kampionatin Evropian.

Italia dhe Anglia është ndeshja e xhiros së sotme në kuadër të ndeshjeve para kualifikuese në “Euro 2024”.

Kampioni në fuqi do ketë punë të vështirë sot, pasi “Tre Luanët” gjithashtu kërkojnë fitore në këtë takim.

Përballë janë dy kombëtare shumë të forta, andaj na pret një spektakël sonte.

Përveç këtij takimi sot zhvillohen edhe shtatë ndeshje të tjera.

Maqedonia e Veriut përballë ka Maltë, në kuadër të grupit C, aty ku ndodhen edhe Italia me Anglinë.

Kurse në kuadër të grupit H gjithashtu zhvillohen tri ndeshje.

Kazakistani mirëpret Slloveninë nga ora 16:00, Danimarka luan ndaj Finlandës, San Marion – Irlandë e Veriut.

Në aksion sot janë edhe kombëtaret e grupit J.

Aty përballen Portugalia – Lihtenshtajni, Bosnjë dhe Hercegovina – Islanda dhe Sllovakia ndaj Luksemburgut.

Të gjitha këto takime zhvillohen në orën 20:45.