Ndahen çmimet për fotografitë më të mira për trashëgiminë kulturore
FLOSSK, Open Labs Albania dhe Grupi i Përdoruesve të Wikimedias në Gjuhën Shqipe organizojnë ceremoninë e ndarjes së çmimeve për fotografitë më të mira nga gara Wiki Loves Monuments Kosovë dhe Shqipëri dhe prezantimin e punës dhe projekteve të tjera rreth trashëgimisë kulturore.
Lajme
Wiki Loves Monuments është garë që organizohet nga Wikimedianët dhe ka për qëllim promovimin mbarëbotëror të fotografive të monumenteve të vendeve nga e gjithë bota, njohjen e tyre, ekspozimin, dhe përmes kësaj, ruajtjen e trashëgimisë botërore, dhe përdorimin e lirshëm të tyre në Wikipedia, si enciklopedi e hapur për të gjithë.
Ky projekt është mbështetur financiarisht nga Instituti i Kosovës për Mbrojtje e Monumenteve i Ministrisë së Kulturës, Rinisë dhe Sporteve dhe Fondacioni Wikimedia.