AdNetwork
GjirafaVideo
Ju prezantojmë me versionin e ri 🎉
Kushtet e Përdorimit
Kushtet e Përgjithshme të Përdorimit
Hyrje
Mirë se vini në Gjirafa!
Ju faleminderit që keni zgjedhur të përdorni uebfaqet, produktet dhe shërbimet e Gjirafa, Inc., të cilave në tërësi do t’i referohemi si “Shërbimet”.
Duke shfrytëzuar Shërbimet tona, ju, në emrin tuaj, në emër të personave tjerë në kujdestarinë tuaj, dhe/apo personave që mund të qasen përmes llogarisë suaj, pajtoheni dhe merrni përsipër të respektoni në tërësi obligimet tuaja që rrjedhin nga këto Kushte të Përgjithshme të Përdorimit. Pajtimi me, dhe respektimi i këtyre Kushteve të Përgjithshme të Përdorimit është parakusht për shfrytëzimin e Shërbimeve tona. Në të kundërtën, ne me mirësi i’u kërkojmë të shmangni përdorimin e Shërbimeve tona.
Ne i kemi hartuar këto Kushte të Përgjithshme të Përdorimit, të cilave do t’i referohemi në vijim si “Kushte të Përgjithshme”, ashtu që t’iu mundësojmë juve të njoftoheni me rregullat të cilat qeverisin marrëdhënien tuaj me Gjirafa, Inc.
Edhe pse jemi munduar të sigurohemi që këto Kushte të Përgjithshme të jenë sa më të kuptueshme, ju do të hasni terme ligjore brenda këtyre Kushteve të Përgjithshme. Arsyeja e përdorimit të këtyre termeve është sepse këto Kushte të Përgjithshme formojnë dhe rregullojnë marrëdhënien e detyrueshme kontraktuese ndërmjet juve dhe Gjirafa, Inc. Prandaj, ne i’u rekomandojmë fuqishëm që t’i lexoni ato me kujdes.
Keni parasysh se këto Kushte të Përgjithshme zbatohen dhe janë të aplikueshme ndaj të gjithë përdoruesve të të gjitha uebfaqeve, Shërbimeve, dhe/apo produkteve të ofruara nga dhe/apo nëpërmjet Gjirafa, Inc., (shikoni një listë jo-shteruese të uebfaqeve të Gjirafa, Inc.). Sidoqoftë, në rastet kur ndonjë uebfaqe dhe/apo shërbim i veçantë i Gjirafa, Inc. ka kushtet e veta të veçanta, kushtet e tilla të veçanta do të jenë të aplikueshme. Po ashtu, në rast se ka ndonjë mospërputhje ndërmjet këtyre Kushteve të Përgjithshme dhe kushteve të tjera të veçanta, atëherë kushtet e tilla të veçanta mbizotërojnë dhe aplikohen.
Përdorimi dhe/apo vizita e kësaj uebfaqe dhe çfarëdo uebfaqe tjetër në pronësi të Gjirafa
Përdorimi dhe/apo vizita e kësaj uebfaqe dhe çfarëdo uebfaqe tjetër në pronësi të Gjirafa, nënkupton pranimin tuaj të plotë, pa asnjë rezervë, të këtyre Kushteve të Përgjithshme të cilat aplikohen në tërë përmbajtjen e uebfaqeve të lartpërmendura. Në rast se ju nuk jeni dakord me ndonjë pjesë të këtyre Kushteve të Përgjithshme, ju nuk duhet të vazhdoni me përdorimin e mëtejshëm të uebfaqeve të tilla.
Nëse vazhdoni më tutje, ju, si përdorues e pranoni që keni lexuar, kuptuar, dhe pranuar, pa asnjë rezervë, këto Kushtet të Përgjithshme, si dhe jeni dakord dhe pajtoheni me detyrimet tuaja, siç përcaktohen në këto Kushte të Përgjithshme.
Definimi i Nocioneve të Përgjithshme
Nocionet e përdorura në kuadër të këtyre Kushteve të Përgjithshme kanë kuptimet si në vijim:
"Gjirafa" - nënkupton Gjirafa, Inc., Dega në Kosovë, e cila është një shoqëri tregtare e Shteteve të Bashkuara të Amerikës (Sh.B.A.), e cila operon si një degë e huaj e regjistruar në Republikën e Kosovës, me numër unik identifikues 810840307, me adresë të regjistruar, Magjistralja Prishtinë – Ferizaj, km i 6-të, 10500 Graçanicë, Republika e Kosovës.
"Shërbime" - nënkupton të gjitha uebfaqet dhe/apo produktet e ofruara nga dhe/apo nëpërmjet Gjirafa (shikoni një listë jo-shteruese të uebfaqeve të Gjirafa).
"Ju", apo "përdorues", apo "blerës"" nënkupton secilin vizitor dhe/apo shfrytëzues të Shërbimeve të Gjirafa, dhe, varësisht nga Shërbimet e përdorura, termi "përdorues" mund të ketë kuptime të ndryshme. Për qëllimet e këtyre Kushteve të Përgjithshme, termet "përdorues", "konsumator", dhe "klient" kanë kuptim të njëjtë, përveç nëse paraqiten ndryshe nga konteksti i përdorimit.
“Ne”, apo “neve” apo “tona” - i referohet Gjirafa.
“Palët” - nënkupton Ju dhe Gjirafa.
“Afate” – janë limitet kohore që Gjirafa i vendos për ofrimin e ndonjë Shërbimi të caktuar, varësisht nga uebfaqja dhe/apo produkti/Shërbimi që ofrohet nga Gjirafa. Ju lutem keni parasysh se afatet mund të kenë kuptime të ndryshme për produkte/Shërbime të ndryshme.
“Ditë”- i referohet cilësdo ditë kalendarike.
“Ditë pune/Ditë biznesi” – i referohet çdo dite të vitit përveç ditëve të fundjavës dhe ditëve të festave zyrtare në Republikën e Kosovës, në përputhje me ligjin e aplikueshëm për festat zyrtare.
“Legjislacion i zbatueshëm” – i referohet legjislacionit të zbatueshëm në Republikën e Kosovës, sipas Kushtetutës së Republikës së Kosovës, të datës 9 prill 2008, e cila ka hyrë në fuqi më 15 qershor 2008, së bashku me të gjitha amandamentimet dhe plotësimet.
“Palë e tretë” - nënkupton çdo subjekt fizik ose juridik tjetër, përpos Juve, dhe Gjirafa. Për Shërbime të caktuara, termi palë e tretë mund të ketë kuptime tjera.
“Platformë” – nënkupton dhe përfshin secilën nga uebfaqet e Gjirafa, përmes së cilave ofrohen Shërbimet dhe produktet e Gjirafa. Termi platformë më së afërmi definohet, dhe i referohet, uebsite-it që Ju e shfrytëzoni në çfarëdo momenti të caktuar.
“Praktikë korruptuese” - nënkupton ofrimin, dhënien, pranimin ose kërkimin e ndonjë objekti me vlerë, me qëllim të ndikimit të ndokujt gjatë çfarëdo procesi dhe/apo realizimi të ndonjë shitje/blerje.
“Praktikë mashtruese” - nënkupton shtrembërimin e fakteve me qëllim të ndikimit në procesin e shfrytëzimit të Shërbimeve në dëm të Gjirafa, dhe përfshin marrëveshjet e fshehta ndërmjet përdoruesit dhe çfarëdo pale tjetër.
“Fuqi madhore” - i referohet një ngjarje përtej kontrollit të palës së prekur, që është e paparashikueshme dhe nuk ndodh për fajin ose neglizhencën e palës të tillë. Ngjarjet e tilla mund të përfshijnë, por nuk kufizohen në, luftërat apo revolucionet, zjarret, epidemitë, pandemitë, karantinat, embargot, vonesat doganore, dështimi i internetit apo ndërprerjet nga ofruesit e energjisë elektrike, sulmet masive në internet, dhe shpërndarja e viruseve në rrjetin e internetit, që ndikon mundësinë e Gjirafa për të ofruar Shërbimet e veta, dhe situata të ngjashme jashtë kontrollit të palëve.
Të gjitha termet dhe nocionet e definuara më lartë janë nocione të përgjithshme, dhe si të tilla zbatohen në të gjitha Shërbimet dhe uebfaqet e Gjirafa, përveç nëse një uebfaqe e caktuar ka përkufizime të veçanta të nocioneve dhe termeve, në të cilin rast përkufizimet e nocioneve dhe termeve të veçanta do të jenë të aplikueshme. Në rast se ka ndonjë mospërputhje ndërmjet përkufizimeve të këtyre nocioneve të përgjithshme dhe përkufizimeve të nocioneve të veçanta, atëherë përkufizimet e nocioneve të veçanta mbizotërojnë.
Të gjitha fjalët e përdorura në njëjës do të kenë kuptimin e njëjtë edhe në shumës.
Hyrja në Fuqi dhe Detyrueshmëria e Kushteve të Përgjithshme
Pranimi i këtyre Kushteve të Përgjithshme krijon një marrëdhënie kontraktuese dhe detyruese ndërmjet Juve dhe Gjirafa. Çfarëdo ndryshime dhe/apo plotësime të Kushteve të Përgjithshme konsiderohen se kanë ndryshuar dhe/apo plotësuar marrëdhënien kontraktuese ndërmjet Juve dhe Gjirafa. Këto Kushte të Përgjithshme hyjnë në fuqi kurdo që shfaqet cilado nga rrethanat në vijim:
- Kur Ju vizitoni ndonjë nga uebfaqet e Gjirafa.
- Në rast të ndryshimit dhe plotësimit të Kushteve e Përgjithshme, kur Ju vazhdoni të përdorni Shërbimet e Gjirafa, pas ndryshimit dhe plotësimit të Kushteve të Përgjithshme.
Për të shmangur çfarëdo dyshimi, momenti i hyrjes në fuqi të këtyre Kushteve të Përgjithshme do të jetë momenti i parë i shfaqjes së cilësdo nga rrethanat e përcaktuara në paragrafin paraprak.
Kushtet e Përgjithshme mbesin në fuqi për aq kohë sa përdoruesi viziton një nga uebfaqet e Gjirafa, dhe/ose për sa kohë që mbeten të regjistruar si përdorues të Shërbimeve të Gjirafa. Në rast se përdoruesi vendos të mbyll llogarinë me Gjirafa dhe të paguaj çfarëdo detyrimi monetar të mbetur ndaj Gjirafa, atëherë Kushtet e Përgjithshme mbesin në fuqi deri në momentin e përfundimit të procedurave për mbylljen e llogarisë.
Privatësia
Gjirafa do të përpunojë dhe mirëmbajë të dhënat personale në përputhje me ligjin e aplikueshëm në Republikën e Kosovës, Ligji Nr. 06/L-082 për Mbrojtjen e të Dhënave Personale. Për më tepër, Gjirafa vullnetarisht dhe në vazhdimësi bënë përpjekje për të harmonizuar politikat e veta të procesimit dhe mbrojtjes së të dhënave personale me standardet më të larta ndërkombëtare për mbrojtjen e të dhënave personale dhe privatësisë, si Rregulloren e Përgjithshme për Mbrojtjen e të Dhënave Personale (GDPR), të Bashkimit Europian, e cila ka hyrë në fuqi më 25 maj 2018.
Për më shumë informata në lidhje me trajtimin dhe mbrojtjen e të dhënave personale, i’u lutem lexojeni me kujdes Njoftimin për Privatësi të publikuar në uebfaqen tonë të korporatës (shikoni Njoftimin e Privatësisë). Njoftimi i Privatësisë përbën një pjesë integrale dhe të pandashme të këtyre Kushteve të Përgjithshme. Po ashtu, Njoftimi i Privatësisë është i aplikueshëm për cilindo dhe të gjitha uebfaqet dhe Shërbimet e Gjirafa, përveç në rastet kur ndonjë uebfaqe dhe/apo Shërbim i veçantë ka ndonjë njoftim dhe/apo politikë të veçantë të aplikueshme.
Komunikimet
Ju pajtoheni që të komunikoni me Gjirafa në mënyrë elektronike, përmes emailit, teksteve, njoftimeve, apo mesazheve në platformat tona. Ju mund të ruani kopje të këtyre komunikimeve për dosjet tuaja.
Ju pajtoheni se të gjitha marrëveshjet, njoftimet, shpalosjet, dhe komunikimet tjera që ne i’u ofrojmë Juve në mënyrë elektronike janë valide dhe përmbushin çfarëdo kërkese ligjore për barasvlefshmëri me komunikimet në shkrim duke u bazuar, por pa u limituar, në Ligjin Nr. 04/L-109 për Komunikimet Elektronike, dhe ligjet tjera të aplikueshme në Republikën e Kosovës, si dhe ligjet e vendit ku Gjirafa operon apo ushtron aktivitetet e veta, dhe normat ndërkombëtare për komunikim zyrtar elektronik.
Komunikimi Juaj me Gjirafa do të realizohet përmes përfaqësuesve të Gjirafa të cilët janë përgjegjës për fushën përkatëse për të cilën bëhet fjalë. Ju mund t’i drejtoheni Gjirafa me shkrim në çdo kohë duke përdorur informatat e kontaktit të publikuara në uebfaqen tonë të korporatës (shikoni të dhënat e kontaktit), dhe/apo adresën e regjistruar të Gjirafa si në vijim:
Gjirafa, Inc. – Dega në Kosovë
Magjistralja Prishtinë – Ferizaj, km i 6-të
10500 Graçanicë, Republika e Kosovës
Po ashtu, duke përdorur Shërbimet e Gjirafa, Ju, në mënyrë shprehimore pajtoheni dhe jepni pëlqimin tuaj që Gjirafa të përdor kanalet e komunikimit të dhëna nga Ju, duke përfshirë emailin, numrin e telefonit, llogaritë e rrjeteve sociale, etj., për qëllime të shpërndarjes së reklamave, materialeve promovuese, dhe ofertave të ndryshme.
Ju keni të drejtë që të kërkoni nga Gjirafa që të ndërpres shpërndarjen e porosive të tilla me qëllim të marketingut në çdo kohë, duke ndjekur udhëzimet e përshkruara në porosinë përkatëse.
Siguria
Qasja në platformat dhe Shërbimet e Gjirafës mundësohet me nismën e përdoruesve, dhe jo me iniciativën e Gjirafa. Përdoruesit e platformave dhe Shërbimeve janë vetë përgjegjës për marrjen dhe ruajtjen e mjeteve të nevojshme, siç janë pajisjet elektronike, sistemet operative, softuerët e ndryshëm, dhe çfarëdo shërbime tjera që janë të nevojshme për t’u qasur në platformat dhe Shërbimet e Gjirafa.
Përdoruesit janë gjithashtu përgjegjës për mbrojtjen e sistemeve të tyre kundër viruseve dhe softuerëve dashakeq, përfshirë mbrojtjen e të dhënave të tyre financiare.
Gjirafa bën çdo përpjekje të mundshme për t’u siguruar që të gjitha masat e nevojshme të sigurisë të jenë ndërmarrë për të mbrojtur platformat dhe uebfaqet e veta kundër viruseve dhe softuerëve të tjerë dashakeq, dhe përdor sisteme të sigurisë për të kontrolluar qasjen në uebfaqet e veta, në mënyrë që të parandalojë sulmet dhe çfarëdo veprime tjera të paautorizuara.
Sidoqoftë, Gjirafa nuk garanton se përmbajtja e platformave të veta do të jetë e lirë nga viruset, gabimet dhe komponentë të tjerë të dëmshëm, dhe si rrjedhojë, në asnjë rast nuk do të jetë përgjegjëse për çfarëdo dëmesh të shkaktuara ndaj pajisjeve, softuerëve, dosjeve, etj., të përdoruesve të lartpërmendur, si dhe për çfarëdo dëmesh të shkaktuara ndaj përdoruesit, për shkak të ndonjë prej shkaqeve të lartpërmendura.
Licenca dhe Qasja
Në varësi të pajtueshmërisë tuaj me këto Kushte të Përgjithshme dhe, në rastet kur kërkohet, pagesës së çfarëdo tarife të aplikueshme, Gjirafa i’u jep Juve një licencë të limituar, jo-ekskluzive, jo-të-transferueshme, jo-të-nënlicensueshme për t’u qasur dhe përdorur Shërbimet e Gjirafa për qëllime personale dhe jo-komerciale.
Llogaria Juaj, Abonimi, dhe Pagesa
Për të përdorur Shërbime të caktuara të ofruara nga Gjirafa, Juve mund t'iu duhet të regjistroni një llogari me Gjirafa, dhe mund t'iu kërkohet të kyçeni në një llogari të tillë. Po ashtu, për të shfrytëzuar Shërbime të caktuara të ofruara nga Gjirafa, Juve mund t'iu kërkohet të përcaktoni dhe ofroni të dhëna për një metodë të vlefshme pagese.
Nëse Ju hapni llogari me Gjirafa, në lidhje me Shërbimet tona, Ju jeni dhe mbeteni përgjegjës për mirëmbajtjen e konfidencialitetit të llogarisë tuaj, fjalëkalimit të llogarisë tuaj, dhe detajet e metodave të pagesës të asociuara me llogarinë tuaj, si dhe për kufizimin e qasjes në llogarinë tuaj. Po ashtu, Ju jeni dhe mbeteni përgjegjës, si dhe pajtoheni dhe pranoni përgjegjësinë, për të gjitha aktivitetet, përfshirë blerjet, që realizohen përmes dhe nga llogaria juaj dhe/apo fjalëkalimi juaj.
Fëmijët dhe Shërbimet Tona
Personat nën moshën trembëdhjetë (13) vjeçare, nuk lejohen të regjistrojnë një llogari me Gjirafa, apo të japin të dhënat e tyre personale. Përdoruesit që janë të paktën trembëdhjetë (13) vjeç, por nën tetëmbëdhjetë (18) vjeç, mund të regjistrohen tek Gjirafa, por vetëm nëse ata kanë pëlqimin e prindit dhe/apo kujdestarit të tyre ligjor, duke përfshirë pëlqimin për këto Kushte të Përgjithshme për, dhe në emër të, të miturit mes moshës trembëdhjetë (13) dhe tetëmbëdhjetë (18) vjeçare.
Gjirafa nuk ka asnjë detyrim të hulumtojë dhe/apo kontrollojë, në çfarëdo forme, vërtetësinë e të dhënave që Ju vendosni në fushat e kërkuara për regjistrimin e llogarisë tuaj. Sidoqoftë, Gjirafa mundet, por nuk është e obliguar që, në rastet kur ka arsye për të dyshuar vërtetësinë e të dhënave në lidhje me moshën e përdoruesit, të kërkoj informata shtesë, përveç informatave standarde që kërkohen, në mënyrë që të konfirmoj të dhënat e pranuara nga Ju.
Përmbajtja e vënë në dispozicion përmes platformave të Gjirafa që i dedikohet audiencës së moshës minorene gjithmonë kontrollohet për të siguruar përshtatshmërinë për moshën e përdoruesve. Mirëpo, Gjirafa, në asnjë rrethanë, nuk mban ndonjë përgjegjësi nëse përmbajtja, përkundër grup-moshës së audiencës të cilës i është dedikuar, mund të shkaktoj çfarëdo reagimi tek përdoruesit e moshës së mitur. Prindi dhe/apo kujdestari ligjor mbetet përgjegjës për vlerësimin e përshtatshmërisë së përmbajtjes për personat e moshës së mitur nën kujdesin dhe përgjegjësinë e tyre.
Sipas këtyre Kushteve të Përgjithshme, dhe sipas Njoftimit tonë të Privatësisë (shikoni Njoftimin e Privatësisë), prindërit dhe/apo kujdestarët ligjor bartin përgjegjësinë për dhënien e pëlqimeve të nevojshme për fëmijët të cilët nuk kanë arritur moshën madhore. Gjirafa në asnjë rrethanë nuk është përgjegjëse për veprimet e një prindi dhe/apo kujdestari ligjor në raport me një të mitur që është në kujdesin e tyre. Ne i’u këshillojmë fuqishëm që të vëzhgoni me kujdes fëmijët gjatë përdorimit të Shërbimeve tona.
Lejet për Qasje dhe Përdorim të Aplikacioneve
Kur Ju përdorni aplikacione të krijuara nga dhe/apo në pronësi të Gjirafa, si aplikacionet “Gjirafa” dhe “GjirafaVideo”, dhe/apo aplikacione të tjera që mund zhvillohen nga Gjirafa, Ju mund t’i jepni Gjirafa leje të caktuara për t’u qasur në pajisjen tuaj, nga e cila Ju qaseni në aplikacionet e sipërpërmendura. Shumica e pajisjeve të tilla elektronike i’u njoftojnë dhe/apo kërkojnë pëlqimin tuaj për të lejuar qasje në pajisjen tuaj nga aplikacione të tilla, me ç’rast Ju mund të vëreni, dhe përkatësisht, zgjidhni të jepni, apo të mos jepni, pëlqimin tuaj për qasje të tillë. Keni parasysh se në raste të caktuara dhënia e lejeve të tilla mund të jetë një parakusht për shfrytëzimin e aplikacioneve të sipërpërmendura.
Qasja e ofruar për Ju në Shërbimet e Gjirafa dhe aplikacione të tilla mund të ndërprehet njëanshëm nga Gjirafa në çdo kohë kur Gjirafa vlerëson se Ju nuk jeni duke vepruar në pajtueshmëri me këto Kushte të Përgjithshme, dhe/apo kushte tjera të veçanta që janë të aplikueshme për ndonjë Shërbim dhe/apo uebfaqe të veçantë.
Kufizimi i Përgjegjësisë
Gjirafa bën çdo përpjekje të mundshme për t’u siguruar që të gjitha informacionet e ofruara nga dhe në platformat e veta janë të plota, të sakta, të rifreskuara, dhe të qarta. Megjithatë, kjo nuk garanton se të gjitha këto kritere do të plotësohen njëkohësisht. Rrjedhimisht, Gjirafa nuk do të jetë, në asnjë rrethanë, edhe në rast të neglizhencës, përgjegjëse për ndonjë gabim, mangësi, apo lëshim në lidhje me dhënien e informacionit, apo për çfarëdo vonese, ndërprerje, apo paaftësi të transmetimit të informacionit, apo për çfarëdo dëme të shkaktuara ndaj përdoruesve për shkak të përdorimit të informacionit të tillë.
Asnjë nga platformat e Gjirafa dhe/apo përmbajtjeve në uebfaqet e Gjirafa nuk përbëjnë këshilla financiare, ligjore, apo çfarëdo këshille, nxitje, apo iniciative tjetër për të kryer një investim, apo çfarëdo transaksioni të mundshëm. Gjirafa në asnjë rast nuk do të jetë përgjegjëse për çfarëdo përdorimi të internetit nga përdoruesit të cilët veprojnë të udhëhequr nga vullneti i tyre.
Përmbajtja e Palëve të Treta
Pjesë të përmbajtjes së ofruar në Shërbimet tona mund të burojnë nga përdoruesit, publikuesit, dhe palë të tjera të treta. Edhe pse ne përpiqemi që të rishikojmë përmbajtje të tilla kohë pas kohe, ne nuk e zhvillojmë këtë proces për çdo uebfaqe, dhe nuk bartim përgjegjësi për çfarëdolloj përmbajtje që buron nga një palë e tretë dhe është vënë në dispozicion nëpërmjet Shërbimeve tona.
Platformat e Gjirafa, dhe vetë shfletuesit e internetit, i‘u mundësojnë përdoruesve që të transferohen tek uebfaqet e palëve të treta përmes vegëzave të ndryshme. Përmbajtja e atyre faqeve të lidhura është përgjegjësi vetëm e palëve përkatëse të treta që ofrojnë dhe/apo kanë në pronësi uebfaqe të tilla. Gjirafa dhe platformat e veta ofrojnë lidhje me uebfaqet e palëve të treta vetëm si një lehtësi për përdoruesit, dhe përfshirja e çfarëdo lidhje për këto uebfaqe, në asnjë rrethanë nuk do të konsiderohet se përbën ose nënkupton një ndërmarrje, ose garanci, ose nxitje, ose miratim nga Gjirafa.
Gjirafa nuk garanton disponueshmërinë e uebfaqeve të tilla dhe, në asnjë rast, nuk do të jetë përgjegjëse për përmbajtjen, korrektësinë, ligjshmërinë, integritetin, aktualitetin, dhe saktësinë e informacionit, apo cilësinë, dhe/apo tiparet e produkteve ose shërbimeve të ofruara për publikun nëpërmjet uebfaqeve të sipërpërmendura të palëve treta. Gjirafa gjithashtu nuk garanton se përmbajtja e uebfaqeve të tilla nuk përmban viruse dhe/apo softuere dashakeqe tjera të cilat mund të dëmtojnë pajisjet, programet dhe/apo softuerët e përdoruesve.
Gjirafa shprehimisht mohon përgjegjësinë për çfarëdo dëmi që mund të shkaktohet ndaj përdoruesve nga uebfaqet e palëve të treta. Çfarëdo dëmesh që mund të shkaktohen, materiale apo jo-materiale, nga uebfaqet e palëve të treta janë përgjegjësi e drejtpërdrejtë dhe e vetme e pronarëve dhe/apo operatorëve të uebfaqeve të tilla, dhe jo e Gjirafa. Prandaj, çfarëdo pretendimi që Ju mund të keni në lidhje me uebfaqet e palëve të treta, duhet të drejtohen tek pronarët dhe/apo operatorët e këtyre faqeve.
Të Drejtat e Pronësisë Intelektuale dhe Industriale
Tërë përmbajtjet e të gjitha uebfaqeve të Gjirafa, duke përfshirë, por pa u kufizuar në, indikativët/treguesit, markat tregtare, titujt dallues, tekste, lajme, fotografi, imazhe, dhe Shërbimet që ofrohen, janë në pronësi të Gjirafa, dhe trajtohen në bazë të dispozitave përkatëse të ligjit të aplikueshëm në Republikën e Kosovës, përfshirë Ligjin Nr. 08/L-059 për Patentat, Ligjin Nr. 08/L-055 për Dizajnin Industrial, Ligjin Nr. 04/L-065 për të Drejtat e Autorit dhe të Drejtat e Përafërta, siç është plotësuar dhe ndryshuar me Ligjin Nr. 05/L-047 dhe Ligjin Nr. 06/L-120, Ligjin Nr. 04/L-026 për Markat Tregtare, siç është ndryshuar dhe plotësuar me Ligjin Nr. 05/L-040, dhe ligjet e tjera të aplikueshme për dhe në lidhje me pronësinë intelektuale dhe industriale, me përjashtim të të drejtave të mbrojtura të palëve të treta, të cilat mund të jenë të drejtat të mbrojtura ose rezervuara nga kompanitë që ofrojnë produkte, prodhuesit e produkteve, ofruesit e shërbimeve, ose palë tjera të treta, mbi të cilat Gjirafa, në asnjë rast, nuk pretendon të ketë çfarëdo pronësie ose të drejte.
Ju e kuptoni se modifikimi, publikimi, transmetimi, transferimi, riprodhimi, shpërndarja, prezantimi, ose çfarëdo përdorimi i përmbajtjes në tërësi, ose pjesëve të uebfaqes, apo me çfarëdo mjeti, për qëllime komerciale, dhe/apo qëllime tjera, nuk lejohet në asnjë mënyrë, pa pranimin e pëlqimit me shkrim nga Gjirafa.
Përjashtimisht, kopjimi kufizuar ose i izoluar, shtypja, apo ruajtja e pjesëve të përmbajtjes së sipërpërmendur lejohet për përdorim personal tuajin, me kusht që përmbajtja të jetë e shoqëruar me një dëftesë të qartë dhe të dallueshme të burimit të origjinës, përkatësisht autorit, dhe me konfirmimin se kopjimi, shtypja, ose ruajtja nuk do të përdoret për qëllime komerciale apo të tjera, përveç përdorimit personal.
Të Drejtat e Autorit dhe të Drejtat e Përafërta
Gjirafa është e përkushtuar për mbrojtjen e të drejtave e autorit dhe të drejtave të përafërta, dhe vazhdon përpiqet të sigurohet që këto të drejta të respektohen në tërësi.
E tërë përmbajtja e përfshirë, vënë në dispozicion, apo publikuar nëpërmjet cilësdo nga Shërbimet e Gjirafa, që në mënyrë shprehimore theksohet se është vënë në dispozicion ose publikuar nga Gjirafa, që përfshinë, pa u kufizuar në, çfarëdo tekste, grafika, logo, imazhe, audio klipe, shkarkime digjitale, të dhëna të grumbulluara dhe/apo softuere, janë pronë e Gjirafa, apo e furnizuesve të përmbajtjes së Gjirafa, dhe mbrohen nga Ligji Nr. 04/L-065 për të Drejtat e Autorit dhe të Drejtat e Përafërta, siç është plotësuar dhe ndryshuar me Ligjin Nr. 05/L-047 dhe Ligjin Nr. 06/L-120, që është i aplikueshëm në Republikën e Kosovës, ligjet e vendit ku Gjirafa operon apo ushtron aktivitetet e veta, si dhe normat ndërkombëtare për të drejtat e autorit dhe të drejtat e përafërta.
Nëse, gjatë shfrytëzimit të Shërbimeve tona, Ju mendoni dhe/apo vëreni se ndonjë e drejtë e autorit është cenuar, ju lutemi të mos hezitoni të kontaktoni Gjirafa duke përdorur informatat e kontaktit të publikuara në uebfaqen tonë të korporatës (shikoni të dhënat e kontaktit).
Keni parasysh se për Shërbime të caktuara të veçanta të ofruara nga Gjirafa, rregulla të veçanta mund të rregullojnë këtë fushë, krahas këtyre Kushteve të Përgjithshme.
Markat Tregtare
Markat tregtare të Gjirafa janë të mbrojtura me ligj, përfshirë nga Ligji Nr. 04/L-026 për Markat Tregtare, siç është ndryshuar dhe plotësuar me Ligjin Nr. 05/L-040 dhe ligjet e tjera të aplikueshme në Republikën e Kosovës, ligjet e vendit ku Gjirafa operon apo ushtron aktivitetet e veta, si dhe normat ndërkombëtare për markat tregtare.
Asnjë person fizik apo juridik nuk mund të shfrytëzojë ndonjë shenjë që është identike, ose në masë substanciale e ngjashme me, ndonjë nga markat tona tregtare, gjatë rrjedhës së aktiviteteve të tyre komerciale. Shfrytëzimi i pa-autorizuar i markave tregtare konsiderohet një shkelje mbi të drejtat pronësore të markave tregtare në pronësi të Gjirafa.
Në rast të shkeljes mbi ndonjërën prej markave tona tregtare, Ju do të mbaheni përgjegjës për të gjitha dëmet e shkaktuara ndaj Gjirafa dhe/apo bashkëpunëtorëve të Gjirafa (shikoni një listë jo-shteruese të markave tregtare të Gjirafa).
Të gjitha markat tjera tregtare të cilat nuk janë në pronësi të Gjirafa që mund të shfaqen në ndonjë nga Shërbimet e Gjirafa janë pronë e pronarëve të tyre përkatës, të cilët mund të jenë apo të mos jenë të ndërlidhur, dhe/apo të lidhur me, apo të sponsorizuar nga Gjirafa. Markat e tilla tregtare vendosen në Shërbimet tona sipas marrëveshjeve përkatëse mes pronarëve të tyre përkatës dhe Gjirafa.
Raportimi i Përmbajtjes
Ju keni mundësinë e raportimit të çfarëdo përmbajtje që është e pa përshtatshme, ose përmbajtje që Ju vlerësoni se është cenim ndaj Juve, ose personave tjerë nën përgjegjësinë tuaj ligjore. Ju po ashtu mund të raportoni përmbajtje që Ju konsideroni se përbën shpifje, fyerje dhe/apo në ndonjë mënyrë tjetër përfaqëson përmbajtje të pavërtetë për Ju, dhe/apo persona tjerë nën kujdestarinë tuaj ligjore.
Për më tepër, Ju keni mundësinë e raportimit të çfarëdo përmbajtje që Ju vlerësoni se është një shkelje mbi të drejtat e pronësisë intelektuale tuaja, apo të ndonjë pale tjetër. Nëse, gjatë shfrytëzimit të Shërbimeve tona Ju vëreni prezencën e ndonjë përmbajtjeje që vlerësoni se përputhet me përshkrimet e sipërpërmendura, i’u lutemi të mos hezitoni të kontaktoni Gjirafa duke përdorur informatat e kontaktit të publikuara në uebfaqen tonë të korporatës (shikoni të dhënat e kontaktit).
Kujdesi Ndaj Kiletit
Kujdesi ndaj klientit bart rëndësi të veçantë për Gjirafa. Tek Gjirafa, ne gjithmonë vendosim klientët tonë në qendër të aktiviteteve tona, dhe përpiqemi të përmbushim të gjitha nevojat e tyre.
Nëse Ju keni nevojë për ndihmë apo asistencë për procesim të ndonjë transaksioni, për gjurmim të ndonjë porosie, apo çfarëdolloj ndihme tjetër lidhur me ndonjë Shërbim të ofruar nga Gjirafa, Ju gjithmonë keni mundësinë të na kontaktoni drejtpërdrejt duke përdorur informatat e kontaktit të publikuara në uebfaqen tonë të korporatës (shikoni të dhënat e kontaktit).
Sjellja e Përdoruesit
Të gjitha platformat dhe Shërbimet e ofruara nga Gjirafa duhet të përdoren vetëm për qëllime të ligjshme, dhe në një mënyrë të tillë ashtu që mos të kufizojë dhe/apo pengojë përdorimin e tyre nga ndonjë palë e tretë.
Përdoruesit duhet të veprojnë në përputhje me legjislacionin e aplikueshëm në Republikën e Kosovës, duke përfshirë por pa u kufizuar në Ligjin Nr. 04/L-094 për Shërbimet e Shoqërisë Informatike, Ligjin Nr. 08/L-022 për Identifikimin Elektronik dhe Shërbimet e Besuara në Transaksionet Elektronike, Ligjin Nr. 04/L-109 për Komunikimet Elektronike, si dhe ligjet e vendit ku Gjirafa operon apo ushtron aktivitetet e veta, dhe normat ndërkombëtare për përdorimin e internetit.
Përdoruesit, gjithashtu duhet të përmbahen nga çfarëdo sjellje e paligjshme, abuzive, dhe/apo e papërshtatshme që mund të ketë pasoja negative për përdorues tjerë, dhe/apo të shkaktojë dëme ndaj internetit, dhe të zgjatet tek dhe/apo ndikojë mbi Gjirafa në çfarëdo mënyre, qoftë të drejtpërdrejtë dhe/apo të tërthortë.
Në rast se Gjirafa e gjen veten të përfshirë në ndonjë çështje gjyqësore, dhe/apo i kërkohet të paguajë çfarëdolloj kompensimi, si pasojë e një shkelje nga një përdorues mbi detyrimet e veta, përdoruesi i sipërpërmendur është dhe mbetet përgjegjës për kompensimin e Gjirafa për tërësinë e dëmit të shkaktuar, në përputhje me rrethanat respektive.
Ju garantoni se mjetet e përdorura për transaksionet me Gjirafa nuk burojnë nga aktivitete joligjore dhe/apo të paligjshme, dhe mjetet e sipërpërmendura nuk janë duke shfrytëzuar si përçues për shpëlarje të parave dhe/apo financimit të aktiviteteve terroriste.
Vlerësimet dhe Komentet
Ju mund të postoni komente, vlerësime, foto, video dhe përmbajtje të tjera, të dërgoni kartolina elektronike, dhe komunikime tjera, dhe të paraqisni sugjerime, ide, komente, pyetje ose informacione të tjera, për sa kohë që përmbajtja e tillë nuk është e paligjshme, e pahijshme, kërcënuese, shpifëse, cenuese ndaj privatësisë, cenuese ndaj të drejtave të pronësisë intelektuale, apo ndryshe e dëmshme ndaj Gjirafa, dhe/apo palëve të treta, dhe nuk përbëhet nga, ose përmban, viruse softuerike, bërje fushatash politike, thirrje komerciale, letra zinxhir, postime masive, çfarëdo forme të “spam", ose mesazhe elektronike komerciale të pa kërkuara.
Ju nuk mund të përdorni një email adresë të rreme, të shtireni si ndonjë person tjetër fizik apo entitet juridik duke përdorur të dhënat e tyre, ose të mashtroni ndryshe lidhur me origjinën e informatave, dhe/apo përmbajtjeve. Gjirafa rezervon të drejtën e plotë, por nuk ka asnjë detyrim, për të larguar ose redaktuar përmbajtje të tilla dhe/apo rishikuar rregullisht përmbajtjet e postuara nga përdoruesit.
Nëse postoni përmbajtje ose paraqisni materiale, Ju i jepni Gjirafa një të drejtë jo-ekskluzive, pa tarifa, të vazhdueshme, të parevokueshme, dhe plotësisht të nën-licensueshme, për të përdorur, riprodhuar, modifikuar, përshtatur, botuar, performuar, përkthyer, krijuar vepra derivate nga, dhe regjistruar të drejta që buronjë nga përmbajtet e tilla, të shpërndajë dhe shfaq përmbajtjet e tilla nëpër të gjithë botën, në çfarëdo media, dhe pa asnjë kufizim, përveç nëse Gjirafa i’u njofton Juve ndryshe.
Ju i jepni Gjirafa dhe nënlicensuesve të drejtën e parevokueshme për të përdorur emrin me të cilin Ju paraqiteni në lidhje me përmbajtje të tilla.
Ju zotoheni dhe garantoni se Ju zotëroni apo përndryshe kontrolloni të gjitha të drejtat për përmbajtjen Ju që postoni, dhe se përmbajtja është e saktë dhe se përdorimi i përmbajtjes që Ju ofroni nuk i shkel këto Kushte të Përgjithshme dhe/apo ndonjë nga kushtet tjera të Gjirafa.
Ju gjithashtu zotoheni dhe garantoni se përmbajtja e postuar nga Ju nuk do të shkaktojë asnjë dëm ndaj Gjirafa, apo ndonjë personi dhe/apo entiteti tjetër ligjor. Ju jeni veçanërisht përgjegjës për dëmshpërblimin e Gjirafa për të gjitha pretendimet dhe/apo dëmet që rezultojnë nga përmbajtja që Ju postoni.
Gjirafa ka të drejtë, por nuk është e detyruar, për të monitoruar, redaktuar, ose larguar çfarëdo aktiviteti dhe/ose përmbajtje tuajën, kurdo që Gjirafa vendos sipas diskrecionit të vet. Gjirafa nuk merr asnjë përgjegjësi dhe/apo mban asnjë detyrim për çfarëdo përmbajtje të postuar nga Ju apo ndonjë palë e tretë nëpërmjet llogarisë suaj.
Refuzimi apo Anulimi i Transaksioneve
Gjirafa rezervon të drejtën që të refuzoj apo të anuloj çfarëdo transaksioni, sipas vullnetit të vet të lirë, në çdo kohë, dhe për çfarëdo arsye.
Disa situata që mund të rezultojnë me refuzimin apo anulimin e një transaksioni përfshijnë, por nuk kufizohen në, dyshim për mashtrim me kartelë krediti apo kartelë debiti, ekzistencën e çfarëdo arsyeje për të besuar se transaksioni është i pa-autorizuar, shkeljen e ndonjë ligji, rregulli, apo rregulloreje, dhe/apo situata të tjera që na bëjnë të besojmë se pagesa mund të jetë realizuar nëpërmjet keqpërdorimeve të çfarëdoshme.
Gjirafa në çdo kohë mund të kërkoj verifikim apo informacione shtesë për çfarëdo transaksioni.
Politikat e Tatimeve dhe Importit
Çmimi i produkteve dhe/apo Shërbimeve të listuara në uebfaqet tona përfshin tatimin mbi vlerën e shtuar (TVSh), dhe, kur janë të aplikueshme, obligimet doganore. Megjithatë, para procesimit të porosisë, ne i'u kërkojmë Juve që të lexoni me kujdes detajet e porosisë.
Në rastet kur çmimi i një produkti dhe/apo Shërbimi nuk i ka të përfshira tatimet, obligimet doganore, apo tarifa të tjera të imponuara nga ligji, përfshirë tarifa të cilat janë të aplikueshme për blerje nga jashtë vendit, atëherë Ju obligoheni që të paguani të gjitha tatimet dhe detyrimet tjera, krahas çmimit blerës.
Modifikimi i Shërbimeve
Ne rezervojmë të drejtën që, në çdo kohë dhe pa ndonjë njoftim paraprak, të modifikojmë, përmirësojmë, kufizojmë, dhe/apo ndërprejmë, përkohësisht apo në mënyrë të përhershme, ndonjë nga Shërbimet tona, ose pjesë të Shërbimeve tona, apo pjesë të funksioneve të Shërbimeve tona, përfshirë aplikacionet e lansuara. Për më tepër, ne rezervojmë të drejtën për të prezantuar apo aktivizuar veçori ose aplikacione të reja për të përmirësuar shërbimet e tona.
Në çdo rast kur, pas modifikimeve, përmirësimeve, kufizimeve, dhe/apo ndërprerjes së Shërbimeve tona, Ju vazhdoni përdorimin e tyre, ne konsiderojmë se Ju jeni pajtuar me Shërbimet e tilla të modifikuara, përmirësuara, kufizuara dhe/apo ndërprera.
Plotësimet, Ndryshimet, dhe Ndashmëria e Kushteve të Përgjithshme
Gjirafa në vazhdimësi përmirëson dhe avancon Shërbimet ekzistuese, si dhe ofron shërbime të reja. Kjo do të thotë ne që Gjirafa mund të shtojë funksionalitete të reja, produkte, dhe/apo shërbime, apo t’i ndërprejë Shërbimet ekzistuese. Gjirafa mund të ndërmarrë cilindo nga këto veprime në çdo kohë, dhe mund të mos jetë në gjendje t’iu njoftoj Juve paraprakisht. Në raste të tilla, këto Kushte të Përgjithshme mund të modifikohen dhe/apo plotësohen krahas modifikimit dhe/apo plotësimit të Shërbimeve.
Nëse se Ju vazhdoni t’i përdorni Shërbimet e Gjirafa edhe pas ndryshimeve të tilla, atëherë ne konsiderojmë se Ju i keni pranuar dhe pajtoheni me ndryshimet e tilla të Shërbimeve, respektivisht modifikimet dhe/apo plotësimet e Kushteve të Përgjithshme, dhe se Ju nuk keni asnjë vërejtje në lidhje me modifikimet dhe/apo plotësimet e këtyre Kushteve të Përgjithshme.
Në rast se ndonjë pjesë, paragraf dhe/apo nëntitull i këtyre Kushteve të Përgjithshme konsiderohet dhe/apo konstatohet i pavlefshëm nga ndonjë autoritet kompetent për çfarëdo arsye, atëherë pjesët tjera të këtyre Kushteve të Përgjithshme mbeten në fuqi dhe ruajnë efekt të plotë juridik, pa u ndikuar nga pjesa e konsideruar e pavlefshme.
Ndërprerja e Ofrimit të Shërbimeve
Gjirafa shpreson se Ju do të përdorni Shërbimet e veta në vazhdimësi. Megjithatë, në rast se Ju dëshironi të ndërpreni marrëdhënien tuaj me Gjirafa, Ju mund të veproni ashtu duke kërkuar nga Gjirafa që llogaria tuaj të mbyllet dhe/apo fshihet.
Në anën tjetër, Gjirafa gjithashtu mund të ndërpresë marrëdhënien e vet me Ju në çdo kohë, për çfarëdo arsye, dhe pa njoftim paraprak. Kjo do të thotë se ne mund të vendosim kufizime shtesë në përdorimin e Shërbimeve tona nga ana juaj, apo të refuzojmë të ofrojmë Shërbimet tona. Për shembull, ne mund të çaktivizojmë llogarinë tuaj si rezultat i pasivitetit për një kohë të gjatë.
Për më tepër, nëse, sipas vlerësimit të Gjirafa, përdoruesi ka përdorur praktika korruptuese dhe/apo mashtruese para, dhe/apo gjatë, shfrytëzimit të Shërbimeve tona, Gjirafa, pa paragjykim ndaj mekanizmave të tjerë për adresimin e shkeljeve mbi këto Kushte të Përgjithshme, mund ta ndërpresë ofrimin e Shërbimeve, përfshirë shitjen e mallrave dhe/apo produkteve, tërësisht apo pjesërisht, përmes njoftimit me shkrim.
Gjirafa mund të ndërpresë Shërbimet e veta në çdo kohë, dhe të çregjistroj cilindo përdorues pa dhënë ndonjë arsye, me kushtin e vetëm që Gjirafa nuk mund të ketë ndonjë detyrim të pakryer ndaj përdoruesit. Nëse Gjirafa ka ndonjë detyrim të pakryer ndaj përdoruesit, Gjirafa do ta përmbushë detyrimin pasi ta çregjistroj përdoruesin nga platformat e veta, ose pas ndërprerjes së Shërbimeve.
Fuqia Madhore
Pavarësisht kushteve tjera në lidhje me shtyrjen ose ndërprerjen e këtyre Kushteve të Përgjithshme për shkak të shkeljeve, asnjëra palë nuk konsiderohet të ketë shkelur mbi obligimet e veta nëse, dhe deri në atë masë që, vonesa në përmbushje, dhe/apo dështimet e tjera në përmbushjen e obligimeve, janë rezultate të ndonjë ngjarje të shkaktuar nga një fuqi madhore dhe përtej kontrollit të palës së prekur.
Nëse ndonjë gjendje e fuqisë madhore ndodh, pala e ndikuar do të njoftojë menjëherë me shkrim palën tjetër për këtë ngjarje dhe shkaqet e veta. Nëse Gjirafa nuk ka dhënë udhëzime të tjera me shkrim, pala e ndikuar do të vazhdojë t’i kryejë obligimet tjera, që nuk ndikohen nga kushtet e fuqisë madhore, dhe prandaj janë të realizueshme, si dhe do të kërkojë çfarëdo rrugë alternative për t’i përmbushur obligimet e veta pa u parandaluar nga ngjarja e fuqisë madhore.
Mos-heqja Dorë
Dështimi i cilësdo palë që të zbatojë ndonjë dispozitë të këtyre Kushteve të Përgjithshme nuk do të konstituojë dhe nuk nënkupton në asnjë mënyrë heqje dorë nga këto Kushte të Përgjithshme, përveç siç është përcaktuar në këto Kushte të Përgjithshme.
Transferimi i të Drejtave dhe Obligimeve
Ju nuk mund t’i transferoni të drejtat dhe/apo obligimet tuaja, siç përcaktohen në këto Kushte të Përgjithshme, dhe/apo kushtet e veçanta që janë të aplikueshme kur Ju përdorni Shërbime të caktuara të ofruar nga Gjirafa, tërësisht apo pjesërisht, pa miratim paraprak me shkrim nga Gjirafa. Me miratimin e Gjirafa, Ju mund t’i transferoni të drejtat dhe/apo obligimet tuaja sipas këtyre Kushteve të Përgjithshme tek cilido subjekt për të cilin Gjirafa ka dhënë leje të shkruar.
Gjirafa mund të transferoj lirshëm të drejtat dhe/apo detyrimet që rrjedhin nga këto Kushte të Përgjithshme te palët e treta, pa pasur nevojë për pëlqimin tuaj verbal apo të shkruar. Sidoqoftë, transferimi i tillë nuk do të përdoret për pakësimin dhe/apo mos respektimin e të drejtave tuaja.
Pezullimi i Shërbimeve
Përmes njoftimit me shkrim, që mund të publikohet në uebfaqet e Gjirafa, Gjirafa mund t’i pezullojë Shërbimet e veta, dhe/apo të urdhërojë shtyrjen e performimit të Shërbimeve që janë objekt i këtyre Kushteve të Përgjithshme.
Gjuha e Aplikueshme
Këto Kushte të Përgjithshme janë shkruar në gjuhët angleze dhe shqipe, dhe po ashtu mund të publikohen në gjuhë të tjera. Në rast të ndonjë mospërputhje në mes të versioneve të gjuhëve të ndryshme, versioni në gjuhën angleze do të mbizotërojë.
Ligji i Aplikueshëm dhe Zgjidhja e Mosmarrëveshjeve
Këto Kushte të Përgjithshme janë hartuar në përputhje me, dhe janë subjekt i ligjeve të aplikueshme në Republikën e Kosovës, pa përfshirë parimet e konfliktit të ligjeve.
Çdo mosmarrëveshje, mospajtim, ose pretendim i dalur nga, apo i lidhur me këto Kushte të Përgjithshme, duke përfshirë shkeljen, ndërprerjen ose pavlefshmërinë e tyre, do të zgjidhet me arbitrazh nën patronazhin e Qendrës së Arbitrazhit të Odës Ekonomike Amerikane në Kosovë, sipas Rregullave të Arbitrazhit të Qendrës së Arbitrazhit të Odës Ekonomike Amerikane në Kosovë, të aplikueshme në kohën kur paraqitet rasti për zgjidhje, si dhe në përputhje me ligjet e aplikueshme në Republikën e Kosovës. Numri i arbitrave do të jetë një (1), gjuha që do të pëdoret në procedurat e arbitrazhit do të jetë gjuha angleze, dhe vendi i arbitrazhit do të jetë Prishtina, Republika e Kosovës.
Ligji i aplikueshëm dhe metodat e zgjidhjes së mosmarrëveshjeve aplikohen për të gjitha Shërbimet e Gjirafa, këto Kushte të Përgjithshme, dhe kushtet e tjera të veçanta të cilat janë të aplikueshme për Shërbime të caktuara të ofruara nga Gjirafa, përveç nëse ligji i aplikueshëm dhe metodat e zgjidhjes së mosmarrëveshjeve përcaktohen ndryshe nga kushtet të tilla të veçanta. Në raste të tilla, dispozitat e kushteve të tilla të veçanta mbizotërojnë.
POLITIKA E PRIVATËSISË – Gjirafa Inc.
Përditësimi i fundit më 24 dhjetor 2024
Kjo politikë e privatësisë për Gjirafa Inc., (tutje referuar si “Gjirafa”) ("ne", "neve", "jonë/a", “tonë/a”), përshkruan se si dhe pse mund të mbledhim, ruajmë, përdorim dhe/ose ndajmë ("përpunojmë") informacionin tuaj kur ju (“përdoruesi”) përdorni shërbimet, produktet, faqet e internetit (“Shërbimet”) tona, si p.sh.:
Vizitoni faqen tonë të internetit në www.gjirafa.com ose çdo faqe interneti tonën që lidhet me këtë politikë të privatësisë
Komunikoni me ne në mënyra të tjera të ngjajshme, duke përfshirë çdo shitje, marketing ose ngjarje
Pyetje apo shqetësime? Leximi i kësaj politike të privatësisë do t'ju ndihmojë të kuptoni të drejtat dhe zgjedhjet tuaja të privatësisë. Nëse nuk jeni dakord me politikat dhe praktikat tona, ju lutemi mos përdorni Shërbimet tona. Nëse keni akoma pyetje apo shqetësime, ju lutemi na kontaktoni në [email protected].
RECITALET
Në parim, Gjirafa përpunon të dhënat personale të përdoruesve të saj vetëm për aq sa kjo është e nevojshme për të ofruar një faqe interneti funksionale, si dhe përmbajtje dhe shërbime. Përpunimi i të dhënave personale të përdoruesve kryhet rregullisht vetëm pas pëlqimit të përdoruesit. Një përjashtim zbatohet në ato raste kur marrja e pëlqimit paraprak nuk është e mundur për arsye faktike dhe përpunimi i të dhënave lejohet me rregullativë ligjore.
Ne i marrim shumë seriozisht dispozitat e mbrojtjes së të dhënave dhe i respektojmë ato gjatë përpunimit të të dhënave personale në lidhje me shitjen e mallrave ose produkteve të tjera të ngjashme dhe ofrimin e shërbimeve të përzgjedhura, qoftë nëpërmjet platformës Gjirafa (tutje referuar si “Platforma”), e cila operohet në faqen e internetit www.gjirafa.com (tutje referuar si “faqja e internetit”), nëpërmjet postës elektronike ose në çdo formë tjetër. Kjo vlen edhe për përdorimin e thjeshtë të faqes sonë të internetit.
Kur përdorni Shërbimet dhe/ose vizitoni faqen tonë të internetit, ju pranoni kushtet e përshkruara në këtë Politikë të Privatësisë. Duke vepruar kështu, ju na autorizoni të mbledhim dhe përpunojmë të dhënat tuaja, sipas praktikave të përcaktuara në këtë Politikë të Privatësisë, si dhe në përputhje me ligjet në fuqi.
Ne kemi përditësuar këtë Politikë të Privatësisë për të siguruar që politikat e saj për rregullimin e proceseve dhe masave të sigurisë për mbledhjen dhe përpunimin e të dhënave personale janë në përputhje me ligjin e zbatueshëm në Republikën e Kosovës, përkatësisht Ligjin Nr. 06/L-082 për Mbrojtjen e të Dhënave Personale. Për më tepër, ne do të bëjmë çdo përpjekje për të siguruar që të dhënat personale të mbledhura nga përdoruesit do të trajtohen në përputhje me ligjet e tjera në fuqi në Republikën e Kosovës.
Kjo Politikë e Privatësisë u adresohet klientëve potencialë dhe ekzistues të Gjirafa, duke përfshirë përfaqësuesit e tyre, blerësve të mundshëm, d.m.th. personave të interesuar për mallrat e ofruara dhe shërbimet e tjera, si dhe për të gjithë vizitorët e Platformës dhe Faqes së internetit, me ç'rast fushëveprimi, qëllimi dhe arsyet e përpunimit të të dhënave personale ndryshojnë në situatat konkrete përkatëse dhe korrespondojnë me marrëdhëniet konkrete përkatëse ndërmjet personave të lartpërmendur (tutje referuar si “përdorues/të”) dhe Gjirafa. Kështu, kjo Politikë e Privatësisë zbatohet dhe është e zbatueshme për çdo përdorues të faqes së internetit, produkteve dhe/ose shërbimeve të ofruara nga dhe/ose përmes Gjirafa. Për qëllimet e kësaj Politike të Privatësisë, termat "përdorues", "klient" dhe “konsumator” kanë të njëjtin kuptim, përveç nëse tregohet ndryshe nga konteksti i përdorimit, dhe termi "Palë e tretë" i referohet çdo personi fizik ose juridik, përveç përdoruesit dhe Gjirafa.
Informacion i përgjithshëm në lidhje me përpunimin e të dhënave personale
1. Të dhënat personale dhe kuptimi i tyre
Të dhënat personale nënkupton çdo informacion që lidhet me një person fizik të identifikuar ose të identifikueshëm (i referuar gjithashtu si “Subjekti i të Dhënave”); një person fizik i identifikueshëm është ai që mund të identifikohet, drejtpërdrejt ose tërthorazi, veçanërisht duke iu referuar një identifikuesi si emri, një numër identifikimi, të dhënat e vendndodhjes, një identifikues në internet ose një ose më shumë faktorë specifikë fizikë, fiziologjikë, identitetin gjenetik, mendor, ekonomik, kulturor ose social të atij personi fizik. Këtu përfshihet veçanërisht data e lindjes ose vendi i lindjes, adresa e postës elektronike, numri i telefonit, vendbanimi, identifikuesi i rrjetit (cookies), numri i kartës së identitetit dhe numri i patentës së shoferit, kopja e këtyre ID-ve, të dhënat rreth llogarive në rrjetet sociale, përmbajtja e bisedës, ID-ja e Google, të dhënat online dhe offline dhe kombinimi i tyre, të dhëna për aktivitetet në Faqen e Internetit duke përfshirë analizën e grupimeve, të dhëna për mallrat e blera deri më sot dhe shërbimet e ofruara nga personi përgjegjës deri më sot, etj. Në mënyrë të përmbledhur, nënkupton çdo informacion që, në vetvete ose në kombinim me të dhëna të tjera, mund të identifikonte një person fizik të caktuar. Subjekt i të dhënave mund të konsiderohet secili përdorues i Shërbimeve tona.
2. Aktiviteti i përpunimit të të dhënave personale
Përpunimi i të dhënave nënkupton çdo veprim ose grup veprimesh mbi të dhënat personale ose mbi grupe të dhënash personale të kryera me ndihmën e procedurave automatike ose pa procedura të tilla mbi të dhënat personale; p.sh. koleksionimi, grumbullimi, përdorimi, klasifikimi, kombinimi, rregullimi, strukturimi, rigrupimi ose lidhja, ruajtja, përshtatja ose modifikimi, kërkimi, konsultimi, shënimi, shfrytëzimi, shpërndarja, vënia në dispozicion me anë të transmetimit ose çdo vënie në dispozicion, kufizimi, fshirja ose shkatërrimi i te dhënave personale.
3. Qëllimi, baza ligjore dhe fushëveprimi i përpunimit të të dhënave personale
Në përputhje me Ligjin Nr. 06/L-082 për Mbrojtjen e të Dhënave Personale, kontrolluesi i të dhënave (Gjirafa) mund të përpunojë të dhënat personale vetëm për arsye specifike ligjore, përkatësisht në bazë kontraktuale dhe në bazë ligjore (përfshirë në bazë të një detyrimi ligjor). Në këtë drejtim, përpunimi i të dhënave në rastin konkret duhet të jetë në interesin publik, të shërbejë për mbrojtjen e interesave të subjektit të të dhënave ose të një personi tjetër fizik, të jetë i nevojshëm për shkak të interesave legjitime të kontrolluesit ose të një pale të tretë, ose të kryhet me pëlqimin e shprehur të subjektit të të dhënave. Fushëveprimi i të dhënave që do të përpunohen varet nga qëllimi ose baza ligjore e përpunimit përkatës.
4. Zbulimi i të dhënave personale te palët e treta
Në disa raste, kontrolluesi i të dhënave përdor shërbimet e palëve të treta në lidhje me aktivitetet e tij të biznesit. Ndër të tjera, këta përpunojnë edhe të dhënat personale të mbledhura nga kontrolluesi. Këto palë të treta do të konsiderohen më pas si përpunues të porositur të të dhënave. Këtu bëjnë pjesë për shembull, sistemet e IT-së dhe administratorët e faqeve të internetit, kontabilistët, këshilltarët tatimorë, avokatët, auditorët, agjencitë e marketingut, etj. Në kuadër të përmbushjes së detyrimeve të tij ligjore, kontrolluesi i të dhënave duhet t'u transmetojë gjithashtu të dhëna personale autoriteteve publike (p.sh. gjykatat, agjencitë e zbatimit të ligjit, autoritetet administrative, etj.) në një masë të domosdoshme.
PËRMBLEDHJE E PIKAVE KYÇE
Kjo përmbledhje ofron pika kyçe nga politika jonë e privatësisë, por ju mund të mësoni më shumë detaje rreth secilës prej këtyre temave duke përdorur tabelën tonë të përmbajtjes më poshtë për të gjetur seksionin që kërkoni.
Çfarë informacioni personal përpunojmë?
Kur ju vizitoni, përdorni ose navigoni Shërbimet tona, ne mund të përpunojmë informacione personale në varësi të mënyrës se si ndërveproni me ne dhe Shërbimet, zgjedhjet që bëni dhe produktet dhe veçoritë që përdorni. Mësoni më shumë rreth informacionit personal që na jepni, më poshtë.
A përpunojmë ne ndonjë informacion të ndjeshëm personal?
Ne nuk përpunojmë informacione të ndjeshme personale, përveç rasteve kur konsiderohet e nevojshme dhe ne kemi paraprakisht pëlqimin tuaj me shkrim.
A pranojmë ne ndonjë informacion nga palët e treta?
Ne mund të pranojmë informacione nga bazat e të dhënave publike, partnerët e marketingut, platformat e mediave sociale dhe burime të tjera të jashtme. Mësoni më shumë rreth informacionit të mbledhur nga burime të tjera, më poshtë.
Si e përpunojmë ne informacionin tuaj?
Ne përpunojmë informacionin tuaj për të ofruar, përmirësuar dhe administruar Shërbimet tona, për të komunikuar me ju, për sigurinë dhe parandalimin e mashtrimit dhe për të respektuar ligjin. Ne gjithashtu mund të përpunojmë informacionin tuaj për qëllime të tjera me pëlqimin tuaj. Ne përpunojmë informacionin tuaj vetëm kur kemi një arsye ligjore të vlefshme për ta bërë këtë. Mësoni më shumë rreth mënyrës se si e përpunojmë informacionin tuaj, më poshtë.
Në çfarë situatash dhe me cilat palë mund të ndajmë ne informacionin personal?
Ne mund të ndajmë informacion në situata specifike dhe me palë të treta specifike. Mësoni më shumë se kur dhe me kë ndajmë informacionin tuaj personal, më poshtë.
Si e mbajmë informacionin tuaj të sigurt?
Ne mbrojmë të dhënat tuaja duke përdorur masa të larta sigurie teknologjike, fizike dhe administrative për të minimizuar rrezikun e çdo humbjeje, keqpërdorimi, qasjeje të paautorizuar, zbulimi ose ndryshimi të të dhënave. Disa nga masat mbrojtëse që ne përdorim janë "firewalls", enkriptimi i të dhënave, nivelet e larta të kontrollit dhe kriteret e autorizimit për qasjen në të dhënat tuaja personale. Mësoni më shumë rreth mënyrës se si ne i ruajmë informacionet tuaja, më poshtë.
Cilat janë të drejtat tuaja?
Ligji në fuqi për privatësinë në Kosovë, përkatësisht Ligji Nr. 06/L-082 për Mbrojtjen e të Dhënave Personale, konstaton se ju keni disa të drejta në lidhje me të dhënat tuaja personale. Gjirafa ka përditësuar këtë Politikë të Privatësisë për të siguruar që politikat e saj për rregullimin e proceseve dhe masat e sigurisë për mbledhjen dhe përpunimin e të dhënave personale janë në përputhje me ligjin. Për më tepër, Gjirafa do të bëjë të gjitha përpjekjet për të siguruar që të dhënat personale të mbledhura nga përdoruesit të trajtohen në përputhje me ligjet në fuqi në Republikën e Kosovës.
Gjirafa gjithashtu synon vullnetarisht dhe vazhdimisht të përputhë dhe të harmonizojë praktikat e saj me standardet më të larta ndërkombëtare në lidhje me mbrojtjen e privatësisë dhe të dhënave personale, siç është Rregullorja e Përgjithshme e Mbrojtjes së të Dhënave, (GDPR) e Bashkimit Evropian, e cila ka hyrë në fuqi më 25 maj 2018. Kjo Politikë e Privatësisë zbatohet dhe zbatohet për çdo përdorues të cilësdo prej faqeve të internetit, produkteve dhe/ose shërbimeve të ofruara nga dhe/ose nëpërmjet Gjirafa. Mësoni më shumë rreth të drejtave tuaja të privatësisë, më poshtë.
Si t’i ushtroni të drejtat tuaja?
Mënyra më e lehtë për të ushtruar të drejtat tuaja është duke vizituar ose duke na kontaktuar. Ne do të shqyrtojmë dhe do të veprojmë sipas çdo kërkese në përputhje me ligjet në fuqi për mbrojtjen e të dhënave.
Dëshironi të mësoni më shumë rreth asaj që bëjmë me çdo informacion që mbledhim? Lexoni në tërësi Politikën e Privatësisë.
1. ÇFARË INFORMACIONI MBLEDHIM?
Informacion personal që ju na jepni
Shkurtimisht: Ne mbledhim informacione personale që ju na jepni.
Ne mbledhim informacione personale që ju na jepni vullnetarisht kur regjistroheni në Platformë dhe/ose Shërbime, kur ju përditësoni ose plotësoni të dhënat personale në llogarinë tuaj, shprehni interesin për të marrë informacion rreth nesh ose produkteve dhe shërbimeve tona, kur merrni pjesë në aktivitete në Shërbimet, kur porositni, dhe/ose blini, nga dhe/ose nëpërmjet Shërbimeve tona, kur hasni rrethana të tjera, siç mund të specifikohen në këtë Politikë të Privatësisë ose ndryshe kur na kontaktoni.
Informacioni personal i dhënë nga ju
Informacioni personal që mbledhim varet nga konteksti i ndërveprimeve tuaja me ne dhe Shërbimet, zgjedhjet që bëni dhe produktet dhe veçoritë që përdorni. Informacioni personal që mbledhim mund të përfshijë sa vijon, por nuk kufizohet në:
Lloje të tjera të informacionit personal që ne mund të mbledhim, përfshijnë, por nuk kufizohen në:
Në asnjë rast dhe në asnjë rrethanë, ne nuk do t'ju kërkojmë të zbuloni dhe/ose të jepni të dhënat personale të fëmijëve. Ju mund të vendosni emrin e një të mituri nën kujdesin tuaj në llogarinë e regjistruar në Gjirafa vetëm për qëllimin e identifikimit të përdoruesit, dhe për qëllimin e zgjedhjes së përmbajtjes që është e përshtatshme për moshën e tyre.
Informacion i Ndjeshëm
Ne nuk përpunojmë informacione të ndjeshme, përveç rasteve kur konsiderohet e nevojshme dhe ne kemi paraprakisht pëlqimin tuaj me shkrim.
Të Dhënat e Pagesës
Ne nuk mbledhim, ruajmë ose përpunojmë kartën bankare nëse bëni blerje. Në rastet kur përpunimi i pagesës kryhet nga palë të treta, ne mund t'i ndajmë të dhënat e pagesave të ofruara nga Ju me palët e treta që ofrojnë shërbimet përkatëse të përpunimit të pagesave. Të gjitha të dhënat e pagesës ruhen nga pala e tretë përkatëse. Në raste të tilla, janë të zbatueshme kushtet dhe politikat për përpunimin e të dhënave personale të palëve të treta përkatëse. Ju këshillojmë të lexoni politikën e privatësisë të palëve të treta përkatëse.
Të dhënat e hyrjes/identifikimit në media sociale
Ne mund t'ju ofrojmë mundësinë për t'u regjistruar me ne duke përdorur detajet ekzistuese të llogarisë suaj të mediave sociale, si Facebook, Google ose llogari tjera të mediave sociale. Nëse zgjidhni të regjistroheni në këtë mënyrë, ne do të mbledhim informacione të caktuara të profilit tuaj nga ofruesi i mediave sociale, siç përshkruhet në seksionin e quajtur "SI I TRAJTOJMË NE HYRJET TUAJA NË MEDIAT SOCIALE?" më poshtë.
Të gjitha informacionet personale që ju na jepni duhet të jenë të vërteta, të plota dhe të sakta, dhe ju duhet të na njoftoni për çdo ndryshim në këto informacione personale.
Informacioni i mbledhur automatikisht
Shkurtimisht: Disa informacione — si adresa juaj e Protokollit të Internetit (IP) dhe/ose karakteristikat e shfletuesit dhe pajisjes — mblidhen automatikisht kur vizitoni Shërbimet tona
Ne mbledhim automatikisht informacione të caktuara kur ju vizitoni, përdorni ose navigoni Shërbimet tona. Ky informacion mund të zbulojë identitetin tuaj specifik (si emri, informacioni i kontaktit ose numri i ID-së), dhe mund të përfshijë informacionin e pajisjes dhe përdorimit, si adresën tuaj IP, karakteristikat e shfletuesit dhe pajisjes, sistemin operativ, preferencat gjuhësore, URL-të referuese, emri i pajisjes, vendin, vendndodhjen, informacionin se si dhe kur i përdorni Shërbimet tona, të dhënat mbi preferencat tuaja të marketingut, reklamimit dhe komunikimit me ne, cilat të dhëna marrim ne nga pajisjet që përdorni kur përdorni Shërbimet tona, kur regjistroni një llogari me ne, përditësoni ose shtoni informacion në llogarinë tuaj, merrni pjesë në diskutime ose biseda në internet dhe/ose kur komunikoni me ne në lidhje me Shërbimet tona, të dhëna nga pajisjet tuaja si statistikat e shikimit të faqeve, trafiku në dhe/ose nga faqe të internetit të caktuara, miniaplikacione, historiku i shfletimit ose të dhënat tuaja të hyrjes në faqet tona të internetit ose ato të partnerëve tanë, të dhënat për termat e kërkimit dhe/ose filtrat e përdorur dhe informacione të tjera teknike. Ky informacion është i nevojshëm kryesisht për të ruajtur sigurinë dhe funksionimin e Shërbimeve tona, si dhe për qëllimet tona të brendshme analitike dhe raportuese.
Informacioni që ne mbledhim përfshin:
Informacioni i mbledhur nga "Cookies"
Ashtu si shumë biznese, ne gjithashtu mbledhim informacion përmes cookies dhe teknologjive të ngjashme. Kur ju vizitoni faqen tonë të internetit , skedarë të vegjël teksti ruhen në shfletuesin tuaj, të ashtuquajturat cookies. Ruajtja e cookies kërkon miratimin tuaj në të ashtuquajturën procedurë "opt-in".
Cookies janë skedarë të vegjël teksti që përmbajnë një sasi të papërfillshme informacioni (shkronja dhe numra) që ruhen në kompjuterin tuaj kur vizitoni Faqen e Internetit dhe lundroni nëpër platformë dhe që i mundësojnë Faqes së Internetit të njohë shfletuesin ose pajisjen tuaj.
Në këtë Politikë të Privatësisë, ne do t'u referohemi skedarëve të tillë me fjalën "cookies" sipas versionit origjinal të shkruar në gjuhën angleze. Për sa i përket interesit tonë legjitim, cookie të tilla janë thelbësore për funksionimin e Faqes së Internetit (Platformës) dhe për shërbimet e internetit të Gjirafa.
Ne përdorim cookies për t'ju ofruar veçori dhe Shërbime, duke përfshirë:
Llojet e cookies që përdorim:
Cookies të nevojshme: Këto cookie janë të nevojshme për funksionimin e Shërbimeve të Gjirafa dhe për këtë arsye nuk mund të ç’aktivizohen. Cookies të tilla nuk ruajnë asnjë të dhënë personalisht të identifikueshme.
Cookies të performancës: Këto cookie na mundësojnë të monitorojmë vizitat dhe trafikun në faqet tona të internetit dhe përdoren për të matur dhe përmirësuar performancën e Shërbimeve tona. Këto cookie janë gjithashtu të nevojshme për ne për të dalluar subjektet individuale të të dhënave kur shikojmë faqet e internetit dhe për të shfaqur informacione të rëndësishme vetëm për këto subjekte të të dhënave sipas preferencave të tyre të mëparshme;
Cookie marketingu: Këto cookies përdoren nga rrjetet e reklamave dhe rrjetet sociale për të konfiguruar reklamat që shihni në mënyrë që ato të paraqesin përmbajtje që është e rëndësishme për ju.
Nëse nuk dëshironi të ruani skedarët e cookie-ve rregullisht dhe sistematikisht në shfletuesin tuaj ose dëshironi të hiqni të gjithë skedarët e cookie-ve të ruajtura nga shfletuesi, mund ta specifikoni këtë në cilësimet e shfletuesit. Megjithatë, refuzimi ose bllokimi i skedarëve të cookies mund të ndikojë në përdorimin e faqes së internetit dhe ju mund të mos jeni në gjendje të përfitoni nga disa veçori thelbësore të Shërbimeve tona.
Google API
Përdorimi ynë i informacionit të marrë nga Google API do t'i përmbahet Politikës së të Dhënave të Përdoruesit të Shërbimeve API të Google, duke përfshirë kërkesat për përdorim të kufizuar. Linkun e kësaj Politike e gjeni këtu:
Informacioni i mbledhur nga burime të tjera
Shkurtimisht: Ne mund të mbledhim të dhëna të kufizuara nga bazat e të dhënave publike, partnerët e marketingut, platformat e mediave sociale dhe burime të tjera të jashtme.
Për të rritur aftësinë tonë për të ofruar marketing, oferta dhe shërbime përkatëse për ju dhe për të përditësuar të dhënat tona, ne mund të marrim informacione rreth jush nga burime të tjera, të tilla si bazat e të dhënave publike, partnerët e përbashkët të marketingut, programet e filialeve, ofruesit e të dhënave, platformat e mediave sociale dhe nga palë të tjera të treta. Ky informacion përfshin adresat postare, titujt e punës, adresat e postës elektronike, numrat e telefonit, të dhënat e qëllimit (ose të dhënat e sjelljes së përdoruesit), adresat e Protokollit të Internetit (IP), profilet e mediave sociale, URL-të e mediave sociale dhe profilet e personalizuara, qëllime të reklamimit të targetuar dhe promovimit të ngjarjeve.
Ne përdorim gjithashtu ofruesit e shërbimeve për të kryer funksione dhe për të ofruar shërbime në zonat ku operojmë. Për shembull, ne përdorim shërbime të ndryshme të palëve të treta, si psh. Google Analytics, Hotjar, etj., për të ndihmuar në ofrimin e Shërbimeve të tij, të tilla si hostimi i serverëve ose aplikacioneve tona, ose për të na ndihmuar të kuptojmë përdorimin e Shërbimeve tona.
Nëse ndërveproni me ne në një platformë të mediave sociale duke përdorur llogarinë tuaj të mediave sociale (p.sh. Facebook), ne marrim informacione personale për ju nga kjo platformë të tilla si emri, adresa e emailit dhe gjinia. Çdo informacion personal që mbledhim nga llogaria juaj e mediave sociale varet nga cilësimet e privatësisë së llogarisë suaj të mediave sociale. Ju lutemi vini re se përdorimi i tyre i informacionit tuaj nuk rregullohet nga kjo politikë e privatësisë.
2. SI E PËRPUNOJMË NE INFORMACIONIN TUAJ?
Shkurtimisht: Ne përpunojmë informacionin tuaj për të ofruar, përmirësuar dhe administruar Shërbimet tona, për të komunikuar me ju, për sigurinë dhe parandalimin e mashtrimit dhe për të respektuar ligjin. Ne gjithashtu mund të përpunojmë informacionin tuaj për qëllime të tjera me pëlqimin tuaj.
Ne mund të përpunojmë informacionin tuaj personal për disa arsye, varësisht se si ndërveproni me Shërbimet tona, duke përfshirë:
3. NË ÇFARË BAZA LIGJORE MBËSHTETEMI NE PËR TË PËRPUNUAR INFORMACIONIN TUAJ?
Shkurtimisht: Ne përpunojmë informacionin tuaj personal vetëm kur besojmë se është e nevojshme dhe kemi një arsye të vlefshme ligjore (d.m.th., bazë ligjore) për ta bërë këtë sipas ligjit në fuqi, si p.sh. me pëlqimin tuaj, për të respektuar ligjet, për t'ju ofruar shërbime për të hyrë ose përmbushur detyrimet tona kontraktuale, për të mbrojtur të drejtat tuaja ose për të përmbushur interesat tona legjitime të biznesit.
Ligji Nr. 06/L –082 për Mbrojtjen e të Dhënave Personale na kërkon të shpjegojmë bazat ligjore të vlefshme në të cilat mbështetemi për të përpunuar informacionin tuaj personal. Në këtë kuptim, ne mund të mbështetemi në bazat ligjore të mëposhtme për të përpunuar informacionin tuaj personal:
Dërgojmë te përdoruesit tonë informacione rreth ofertave dhe zbritjeve speciale për produktet dhe shërbimet tona;
Zhvillojmë dhe shfaqim përmbajtje të reklamave të personalizuara dhe përkatëse për përdoruesit tonë;
Analizojmë se si përdoren Shërbimet tona në mënyrë që ne t'i përmirësojmë ato për t’i mbajtur përdoruesit tonë;
Mbështesim aktivitetet tona të marketingut;
Diagnostifikojmë problemet dhe/ose parandalojmë aktivitetet mashtruese;
Kuptojmë se si përdoruesit tonë përdorin produktet dhe shërbimet tona në mënyrë që të përmirësojmë përvojën e përdoruesit;
Për të krijuar një mjedis të padëmshëm dhe të sigurt kur përdorni faqen tonë të internetit;
Për të kuptuar më mirë klientët tonë dhe preferencat e tyre, duke u ofruar atyre shërbime të personalizuara;
Për të ofruar shërbime më të mira dhe të përditësuara për klientët tonë.
4. KUR DHE ME KË NE NDAJMË INFORMACIONET TUAJ PERSONALE?
Shkurtimisht: Ne mund të ndajmë informacion në situata specifike të përshkruara në këtë seksion dhe/ose me palët e treta në vijim.
Ne mund të na duhet të ndajmë informacionin tuaj personal në situatat e mëposhtme:
Në rastet kur përdorni shërbimet e ofruara nga ofruesit e shërbimeve të palëve të treta, ne bëjmë çdo përpjekje për të siguruar që, kur pala e tretë ka kontakt me të dhënat personale të mbledhura ose të ruajtura nga ne, pala e tretë pranon të trajtojë të dhënat e sipërpërmendura në përputhje me kushtet e kësaj Politike të Privatësisë, dhe sipas ligjeve në fuqi për mbrojtjen e privatësisë dhe të dhënave personale.
5. CILI ËSHTË QËNDRIMI JONË PËR FAQET E INTERNETIT TË PALËVE TË TRETAVE?
Shkurtimisht: Ne nuk jemi përgjegjës për sigurinë e çdo informacioni që ju ndani me palët e treta që ne mund t'i lidhim ose që reklamojnë në Shërbimet tona, por që nuk janë të lidhura me Shërbimet tona.
Shërbimet mund të lidhen me faqet e internetit të palëve të treta, shërbime në internet ose aplikacione celulare dhe/ose të përmbajnë reklama nga palë të treta që nuk janë të lidhura me ne dhe që mund të lidhen me faqe të internetit, shërbime ose aplikacione të tjera. Prandaj, ne nuk japim asnjë garanci në lidhje me ndonjë palë të tillë të tretë dhe nuk do të jemi përgjegjës për ndonjë humbje ose dëmtim të shkaktuar nga përdorimi i faqeve, shërbimeve ose aplikacioneve të tilla të palëve të treta. Përfshirja e një lidhjeje drejt një faqe interneti, shërbimi ose aplikacioni të palëve të treta nuk nënkupton një miratim nga ne. Ne nuk mund të garantojmë sigurinë dhe privatësinë e të dhënave që ju i jepni palëve të treta. Çdo e dhënë e mbledhur nga palët e treta nuk mbulohet nga kjo politikë e privatësisë. Ne nuk jemi përgjegjës për përmbajtjen ose praktikat, politikat e privatësisë dhe sigurisë së palëve të treta, duke përfshirë faqet e internetit, shërbimet ose aplikacionet e tjera që mund të lidhen me ose nga Shërbimet tona. Prandaj, Gjirafa shprehimisht mohon përgjegjësinë për veprimet dhe/ose dëmet që mund të shkaktohen nga faqet e internetit të palëve të treta që përdoruesit zgjedhin të vizitojnë. Ju këshillojmë të rishikoni politikat e këtyre palëve të treta dhe t'i kontaktoni drejtpërdrejt për t'iu përgjigjur pyetjeve tuaja.
6. A PËRDORIM NE COOKIES DHE TEKNOLOGJI TË TJERA GJURMIMI?
Shkurtimisht: Ne mund të përdorim cookie dhe teknologji të tjera gjurmimi për të mbledhur dhe ruajtur informacionin tuaj.
Ne mund të përdorim cookie dhe teknologji të ngjashme gjurmimi (si p.sh. web beacons dhe pixels) për të mbledhur informacione kur ndërveproni me Shërbimet tona. Disa teknologji të gjurmimit në internet na ndihmojnë të ruajmë sigurinë e Shërbimeve tona dhe të llogarisë tuaj, të parandalojmë përplasjet (“crashes”), të rregullojmë gabimet (“bugs”), të ruajmë preferencat tuaja dhe të ndihmojmë me funksionet bazë të faqes.
Informacioni specifik rreth mënyrës se si ne përdorim teknologji të tilla dhe se si ju mund të refuzoni disa cookie janë specifikuar më lart. Mësoni më shumë rreth informacionit të mbledhur nga "Cookies", më sipër.
Google Analytics
Ne mund të ndajmë informacionin tuaj me Google Analytics për të gjurmuar dhe analizuar përdorimin e Shërbimeve. Për të hequr dorë nga gjurmimi nga Google Analytics në Shërbimet tona, vizitoni linkun: . Për më shumë informacion mbi praktikat e privatësisë së Google, ju këshillojmë të lexoni Politikën e Privatësisë dhe Kushtet e Përdorimit të Google, në linkun: .
7. SI I TRAJTOJMË NE HYRJET TUAJA NË MEDIAT SOCIALE?
Shkurtimisht: Nëse zgjidhni të regjistroheni ose të identifikoheni/kyçeni në Shërbimet tona duke përdorur një llogari të mediave sociale, ne mund të kemi qasje në informacione të caktuara rreth jush.
Shërbimet tona ju ofrojnë mundësinë për t'u regjistruar dhe për t'u identifikuar duke përdorur të dhënat e llogarisë suaj të mediave sociale të palëve të treta (si Facebook ose Google). Në rast se ju zgjedhni ta bëni këtë, ne do të marrim informacione të caktuara të profilit tuaj nga ofruesi juaj i mediave sociale. Informacioni i profilit që marrim mund të ndryshojë në varësi të ofruesit të mediave sociale në fjalë, por zakonisht përfshin emrin tuaj, adresën e emailit, listën e miqve dhe fotografinë e profilit, si dhe informacione të tjera që ju zgjedhni t’i bëni publike në një platformë të tillë të mediave sociale.
Ne do të përdorim informacionin që marrim vetëm për qëllimet që përshkruhen në këtë politikë të privatësisë ose që ju janë bërë të qarta ndryshe në Shërbimet përkatëse. Ju lutemi vini re se ne nuk kontrollojmë dhe nuk jemi përgjegjës për përdorime të tjera të informacionit tuaj personal nga ofruesi juaj i mediave sociale të palëve të treta. Ne ju këshillojmë që të rishikoni politikën e tyre të privatësisë për të kuptuar se si ata mbledhin, përdorin dhe ndajnë informacionin tuaj personal dhe si mund të vendosni preferencat tuaja të privatësisë në faqet e internetit dhe aplikacionet e tyre.
8. SA KOHË E RUAJMË NE INFORMACIONIN TUAJ?
Shkurtimisht: Ne e mbajmë informacionin tuaj për aq kohë sa është e nevojshme për të përmbushur qëllimet e përshkruara në këtë politikë të privatësisë, përveç nëse kërkohet ndryshe nga ligji.
Ne do t'i mbajmë të dhënat tuaja personale vetëm për aq kohë sa është e nevojshme për qëllimet e përcaktuara në këtë Politikë të Privatësisë, përveç nëse kërkohet ose lejohet me ligj një periudhë më e gjatë ruajtjeje (siç janë kërkesat tatimore, kontabiliteti ose kërkesa të tjera ligjore). Ne mund t'i mbajmë të dhënat tuaja personale pas mbylljes së llogarisë tuaj për të parandaluar mashtrimin, për të mbledhur çdo borxh të papaguar, për të zgjidhur mosmarrëveshjet, për të zbatuar marrëveshje dhe/ose kontrata, për qëllime të përcaktuara nga legjislacioni tatimor, për të ndihmuar çdo hetim dhe për të ndërmarrë veprime të tjera të lejuara dhe/ose kur kërkohet nga ligjet në fuqi. Kur nuk kemi nevojë të vazhdueshme legjitime të biznesit për të përpunuar informacionin tuaj personal, ne do ta fshijmë ose anonimizojmë një informacion të tillë, ose, nëse kjo nuk është e mundur (për shembull, për shkak se informacioni juaj personal është ruajtur në arkivat rezervë), atëherë ne do të ruajmë të dhënat tuaja personale dhe do të izolojmë ato nga çdo përpunim i mëtejshëm derisa të jetë e mundur fshirja. Në rastet kur nuk është më e nevojshme për ne, ose kur mbarojnë detyrimet ligjore për të ruajtur të dhënat tuaja personale, ose kur qëllimi për të cilin janë mbledhur dhe/ose ruajtur të dhënat tuaja personale pushon, ne shkatërrojmë të dhënat e sipërpërmendura në mënyrë të sigurt si dhe në përputhje me ligjin në fuqi për privatësinë dhe mbrojtjen e të dhënave personale, dhe në përputhje me politikat tona të brendshme.
9. SI E MBAJMË TË SIGURT INFORMACIONIN TUAJ?
Shkurtimisht: Ne synojmë të mbrojmë informacionin tuaj personal përmes një sistemi masash sigurie, organizative dhe teknike.
Ne mbrojmë të dhënat tuaja duke përdorur masa të larta sigurie teknologjike, fizike dhe administrative për të minimizuar rrezikun e çdo humbjeje, keqpërdorimi, qasje të paautorizuar, zbulimi ose ndryshimi të të dhënave. Disa nga masat mbrojtëse që ne përdorim janë "firewalls", enkriptimi i të dhënave, nivelet e larta të kontrollit dhe kriteret e autorizimit për qasje në të dhënat tuaja personale. Nëse keni arsye të besoni se llogaria juaj është komprometuar në ndonjë mënyrë, ju lutemi na kontaktoni menjëherë në [email protected]. Ne kemi zbatuar masa të përshtatshme dhe të arsyeshme sigurie teknike dhe organizative të dizajnuara për të mbrojtur sigurinë e çdo informacioni personal që përpunojmë. Megjithatë, pavarësisht masave mbrojtëse dhe përpjekjeve tona për të siguruar informacionin tuaj, asnjë transmetim elektronik përmes internetit ose teknologjia e ruajtjes së informacionit nuk mund të garantohet të jetë 100% i sigurt, kështu që ne nuk mund të premtojmë ose garantojmë se hakerët, kriminelët kibernetikë ose palë të tjera të treta të paautorizuara nuk do të jenë të aftë për të mposhtur sigurinë tonë dhe për të mbledhur, aksesuar, vjedhur ose modifikuar në mënyrë të papërshtatshme informacionin tuaj. Edhe pse ne do të bëjmë çmos për të mbrojtur informacionin tuaj personal, transmetimi i informacionit personal në dhe nga Shërbimet tona është në rrezikun tuaj. Ju duhet të përdorni Shërbimet vetëm brenda një mjedisi të sigurt.
10. A MBLEDHIM NE INFORMACION NGA TË MITURIT?
Shkurtimisht: Ne, me vetëdije, nuk mbledhim të dhëna nga ose tregtojmë për të miturit nën moshën trembëdhjetë (13) vjeç.
Ne nuk mbledhim me vetëdije, kërkojmë të dhëna nga, apo tregtojmë për fëmijët nën 13 vjeç. Personat nën moshën trembëdhjetë (13) vjeç nuk lejohen të hapin një llogari tek ne, ose të japin informacionin e tyre personal. Përdoruesit të cilët janë të paktën trembëdhjetë (13) vjeç, por nën moshën tetëmbëdhjetë (18) vjeç mund të regjistrohen tek ne, por vetëm nëse kanë pëlqimin e prindit dhe/ose të kujdestarit të tyre ligjor, duke përfshirë pëlqimin për këtë Politikë të Privatësisë për, dhe në emër të të miturve nga mosha trembëdhjetë (13) deri në tetëmbëdhjetë (18).
Në rastet kur përpunimi i të dhënave bëhet për personat nën moshën tetëmbëdhjetë (18) vjeç, ne bëjmë përpjekje të vazhdueshme për të verifikuar që pëlqimi është dhënë dhe/ose autorizuar nga një prind dhe/ose kujdestar ligjor i të miturve, duke marrë parasysh kapacitetet teknike të disponueshme.
Sipas kësaj Politike të Privatësisë dhe sipas Kushteve tona të Përdorimit, prindërit dhe/ose kujdestarët ligjorë janë përgjegjës për dhënien e pëlqimeve të nevojshme për fëmijët që nuk kanë mbushur moshën madhore. Gjirafa në asnjë rrethanë nuk është përgjegjëse për veprimet e prindit dhe/ose kujdestarit ligjor në lidhje me një të mitur nën përkujdesin e tyre. Ne ju këshillojmë fuqimisht që të mbikëqyrni me kujdes fëmijët gjatë përdorimit të Shërbimeve tona. Nëse ne kuptojmë se janë mbledhur informacione personale nga përdorues nën moshën 13 vjeç, ne do të ç’aktivizojmë llogarinë dhe do të marrim masa të arsyeshme për t'i fshirë menjëherë këto të dhëna nga të bazat tona të të dhënave. Nëse ju viheni në dijeni për ndonjë të dhënë që ne mund të kemi mbledhur pa vetëdije nga fëmijët nën moshën 13 vjeç, ju lutemi na kontaktoni në [email protected].
Duke përdorur Shërbimet tona, ju deklaroni dhe pohoni se jeni të paktën 18 vjeç ose, se jeni prindi ose kujdestari ligjor i një të mituri dhe ju jepni pëlqimin që i mituri të përdorë Shërbimet.
11. CILAT JANË TË DREJTAT TUAJA TË PRIVATËSISË?
Shkurtimisht: Në disa rajone në Evropë, por edhe në Republikën e Kosovës, ju keni të drejta që ju mundësojnë qasje më të madhe dhe kontroll mbi të dhënat tuaja personale. Ju mund të rishikoni, ndryshoni ose mbyllni llogarinë tuaj në çdo kohë.
Sipas Ligjit Nr. 06/L –082 për Mbrojtjen e të Dhënave Personale, ju keni disa të drejta. Këto mund të përfshijnë:
Në rrethana të caktuara, ju gjithashtu mund të keni:
Nëse keni ndonjë pyetje, ankesë ose sygjerim në lidhje me këtë Politikë të Privatësisë, ose të drejtën tuaj për privatësi dhe mbrojtjen e të dhënave tuaja personale, mund të na kontaktoni direkt në [email protected].
Ne do të shqyrtojmë dhe do të veprojmë sipas çdo kërkese në përputhje me ligjet në fuqi për mbrojtjen e të dhënave.
Nëse ndodheni në Republikën e Kosovës dhe besoni se ne i përpunojmë në mënyrë të paligjshme të dhënat tuaja personale, ju gjithashtu keni të drejtë të ankoheni në Agjencinë për Informim dhe Privatësi.
Tërheqja e pëlqimit tuaj: Nëse ne mbështetemi në pëlqimin tuaj për të përpunuar informacionin tuaj personal, ju keni të drejtë të tërhiqni pëlqimin tuaj në çdo kohë. Ju mund ta tërhiqni pëlqimin tuaj në çdo kohë duke na kontaktuar duke përdorur të dhënat e kontaktit të dhëna në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë ose duke përditësuar preferencat tuaja.
Megjithatë, ju lutemi vini re se kjo nuk do të ndikojë në ligjshmërinë e përpunimit përpara tërheqjes së tij dhe as nuk do të ndikojë në përpunimin e informacionit tuaj personal të kryer duke u mbështetur në baza të tjera të ligjshme të përpunimit përveç pëlqimit.
Të hiqni dorë nga njoftimet e marketingut dhe promovimit: Ju mund të ç’abonoheni nga njoftimet tona të marketingut dhe promovimit në çdo kohë duke klikuar në vegëzën e ç’regjistrimit në emailet që dërgojmë, ose duke na kontaktuar në detajet e dhëna në seksionin "SI MUND TË NA KONTAKTONI PËR KËTË POLITIKË TË PRIVATËSISË?" më poshtë. Më pas do të hiqeni nga listat e marketingut. Megjithatë, ne ende mund të komunikojmë me ju - për shembull, për t'ju dërguar mesazhe të lidhura me shërbimet që janë të nevojshme për administrimin dhe përdorimin e llogarisë tuaj, për t'iu përgjigjur kërkesave të shërbimit ose për qëllime të tjera jo marketingu.
Informacioni i Llogarisë
Nëse në çdo kohë dëshironi të rishikoni ose ndryshoni informacionin në llogarinë tuaj ose të mbyllni llogarinë tuaj, mund të:
Me kërkesën tuaj për të mbyllur llogarinë tuaj, ne do të çaktivizojmë ose fshijmë llogarinë tuaj dhe informacionin nga bazat tona aktive të të dhënave. Megjithatë, ne mund të mbajmë disa informacione në dosjet tona për të parandaluar mashtrimin, për të zgjidhur problemet, për të ndihmuar në çdo hetim, për të zbatuar kushtet tona ligjore dhe/ose për të përmbushur kërkesat ligjore në fuqi.
Cookies dhe teknologji të ngjashme: Shumica e shfletuesve të faqeve të internetit janë caktuar të pranojnë cookies si parazgjedhje. Nëse preferoni, zakonisht mund të zgjidhni që shfletuesi juaj të caktojë që të heqë cookies dhe të refuzojë cookies. Nëse zgjidhni të hiqni cookies ose të refuzoni cookies, kjo mund të ndikojë në disa veçori ose shërbime të Shërbimeve tona.
Nëse keni pyetje ose komente në lidhje me të drejtat tuaja të privatësisë, mund të na dërgoni email në [email protected].
12. KONTROLLET PËR VEÇORI TË MOS GJURMIMIT (“DNT”)
Shumica e shfletuesve të faqeve të internetit dhe disa sisteme operative celulare dhe aplikacione celulare përfshijnë një veçori ose cilësim Mos-Gjurmo ("DNT") që mund ta aktivizoni për të sinjalizuar preferencën tuaj të privatësisë që të mos monitorohen dhe mblidhen të dhëna për aktivitetet tuaja të shfletimit në internet. Në këtë fazë nuk është finalizuar asnjë standard teknologjik uniform për njohjen dhe zbatimin e sinjaleve DNT. Si i tillë, ne aktualisht nuk i përgjigjemi sinjaleve të shfletuesit DNT ose ndonjë mekanizmi tjetër që komunikon automatikisht zgjedhjen tuaj për të mos u gjurmuar në internet. Nëse miratohet një standard për gjurmimin në internet që duhet të ndjekim në të ardhmen, ne do t'ju informojmë për këtë praktikë në një version të rishikuar të kësaj Politike të Privatësisë.
13. A BËJMË NE PËRDITËSIME NË KËTË POLITIKË TË PRIVATËSISË?
Shkurtimisht: Po, ne do ta përditësojmë këtë politikë sipas nevojës për të qëndruar në përputhje me ligjet përkatëse.
Ne mund ta përditësojmë këtë politikë të privatësisë herë pas here. Versioni i përditësuar do të tregohet nga një datë e përditësuar ("Përditësimi i fundit dhe data") dhe versioni i përditësuar do të hyjë në fuqi sapo të jetë i disponueshëm. Nëse bëjmë ndryshime materiale në këtë politikë privatësie, ne mund t'ju njoftojmë ose duke postuar në mënyrë të dukshme një njoftim për këto ndryshime ose duke ju dërguar drejtpërdrejt një njoftim. Ne ju inkurajojmë që ta rishikoni shpesh këtë politikë privatësie për t'u informuar se si ne e mbrojmë informacionin tuaj.
Ju lutemi vini re se nëse modifikimet dhe/ose shtesat në këtë Politikë të Privatësisë janë të një natyre thelbësore, refuzimi juaj për t’i pranuar përditësimet e tilla mund të çojë në përfundimin e marrëdhënies tuaj me ne, d.m.th. në përfundimin e ofrimit të Shërbimeve tona për ju. Prandaj, nëse vendosni të mos ndani me ne të dhëna të caktuara, mund të mos jeni në gjendje të përdorni Shërbime të caktuara.
Në rast se ndonjë pjesë, paragraf dhe/ose nëntitull i kësaj Politike të Privatësisë konsiderohet dhe/ose konstatohet se është i pavlefshëm nga ndonjë autoritet kompetent për çfarëdo arsye, pjesët e tjera të kësaj Politike të Privatësisë mbeten në fuqi dhe ruajnë efektin e plotë ligjor, pa u prekur nga pjesa tjetër e konsideruar e pavlefshme.
14. SI MUND TË NA KONTAKTONI PËR KËTË POLITIKË TË PRIVATËSISË?
Nëse ju keni pyetje ose komente në lidhje me këtë Politikë të Privatësisë, mund të na kontaktoni përmes email adresës në ose të na kontaktoni përmes adresës postare në:
Gjirafa Inc., Dega në Kosovë
Graçanicë,
Magjistralja Prishtinë – Ferizaj,
Km i 6-të, 10500,
Republika e Kosovës
Telefon: +381(0) 38 61 61 61
15. SI MUND TË RISHIKONI, PËRDITËSONI APO TË FSHINI TË DHËNAT QË MBLEDHIM NGA JU?
Bazuar në Ligjin Nr. 06/L –082 për Mbrojtjen e të Dhënave Personale, ju mund të keni të drejtë të kërkoni qasje në informacionin personal që mbledhim nga ju, ta ndryshoni atë informacion, ta fshini atë, të jepni pëlqimin tuaj, të tërhiqni pëlqimet paraprake ose kërkoni ç’aktivizimin e llogarisë tuaj. Ju gjithashtu keni mundësinë e transferimit të të dhënave tuaja duke ju mundësuar shkarkimin e tyre. Për të kërkuar të rishikoni, përditësoni ose fshini informacionin tuaj personal ose nëse keni ndonjë pyetje, ju lutemi na vizitoni ose na kontaktoni drejtpërdrejt në [email protected].
